قوردايداعى جانجالعا كىنالىلەر زاڭمەن جازالانۋى ءتيىس - يسلام بايرامۋكوۆ
«ەل بولعاننان كەيىن مۇنداي جايتتار بولىپ تۇرادى. ءبىراق، ونى اقساقالدار القاسىنىڭ ارالاسۋى ارقىلى، زاڭدى تۇردە عانا جاقسىلىقپەن شەشىلۋى ءتيىس دەپ ەسەپتەيمىن. مۇنى تەز ارادا شەشۋ كەرەك. ايتپەسە، بىرەۋدىڭ مۇلكىن قيراتىپ، ءۇيىن ورتەپ جىبەرۋ ەش جاقسىلىققا اپارمايدى. ەلىمىزدىڭ تاتۋلىعىن، بىرلىگىن ساقتاۋ ءۇشىن كۇش سالۋ قاجەت. جاس ەمەسپىز، ومىردەن العان ازدى- كوپتى تاجىريبەمىز بار. اللا تاعالا مەيىرىمدى، ادام بالاسىنىڭ بارلىق كۇناسىن كەشىرەدى. ال ونىڭ الدىندا ءبىز كىمبىز، ءبىر- ءبىرىمىزدى كەشىرە المايتىنداي؟ قورداي اۋدانى تۇرعىندارىن بىرلىك پەن ىنتىماققا شاقىرامىن»، - دەدى ول اگەنتتىك تىلشىسىنە بەرگەن سۇحباتىندا.
داڭقتى پالۋان قورداي اۋدانىندا ورىن العان جاعدايعا كىنالى ادامدار زاڭدى تۇردە جازالانۋى تيىستىگىن باسا ايتتى.
«بۇگىندە ەلىمىز سپورتتان بولسىن، ساياساتتان بولسىن الەمگە تانىمال ەلگە اينالدى. بۇل باعىتتا ءالى دە كوپتەگەن ءىس- شارا اتقارىلىپ جاتىر. ءبىراق، مۇنداي كەلەڭسىزدىككە جول بەرمەۋىمىز كەرەك. ارينە، ءار ۇلتتىڭ نامىسى بار. نامىسقا تيەتىن دە جايتتاردىڭ ورىن الاتىندىعى جاسىرىن ەمەس. ءبىراق، كىنالى ادامدى انىقتاپ جازالاۋ كەرەك. بۇل ماسەلەنى جاقسىلىقپەن شەشۋ قاجەت»، - دەدى يسلام بايرامۋكوۆ.
بۇعان دەيىن جامبىل وبلىسىنىڭ قورداي اۋدانىنداعى ماسانچي اۋىلىنىڭ تۇرعىندارى اراسىندا جاپپاي توبەلەس بولعانىن حابارلاعان بولاتىنبىز.
كوپ وتپەي پرەزيدەنت قاسىم- جومارت توقايەۆ جامبىل وبلىسى قورداي اۋدانىندا بولعان جاپپاي توبەلەسكە قاتىستى پىكىر ءبىلدىردى.
«جامبىل وبلىسى قورداي اۋدانىندا بۇزاقىلىق سيپاتتاعى جاپپاي توبەلەس بولدى. ونى ارانداتۋشىلار ءوز پايداسىنا قولدانباق بولعان. پوليتسيا جاعدايدى رەتتەپ، ءوز باقىلاۋىنا الدى. قوعامدىق ءتارتىپتى بۇزعاندار جاۋاپكەرشىلىككە تارتىلادى» دەپ جازدى قاسىم- جومارت توقايەۆ Twitter- دەگى پاراقشاسىندا.
ال بۇگىن مەملەكەت باسشىسى جامبىل وبلىسىنداعى وقيعاعا بايلانىستى مالىمدەمە جاسادى.
اۆتور: مارلان جيەمباي
