اۆستراليا شتاتتارىنىڭ بىرىندە جاڭبىر ءورتتىڭ ۇشتەن ءبىرىن سوندىرگەن

نۇر- سۇلتان. قازاقپارات - اۆستراليا حالقى جاڭبىردىڭ جاۋعانىن كۇتىپ ءجۇر. جاڭا وڭتۇستىك ۋەلس شتاتىندا جاڭبىر ءورتتىڭ ۇشتەن ءبىرىن سوندىرگەن. بۇل ءورت سوندىرۋشىلەرگە كوپ كومەك بولدى، دەپ جازادى قازاقپارات CNN- گە سىلتەمە جاساپ.

جاڭا وڭتۇستىك ۋەلس شتاتىنىڭ ءورت ءسوندىرۋ قىزمەتىنىڭ ايتۋىنشا، اۋا رايىنىڭ ارقاسىندا ءبىر كۇندە بەلسەندى ءورت ۇشتەن بىرگە ازايعان.

«ءبىز باقىتتان باسىمىز اينالىپ، قاتتى قۋاندىق. جاڭا وڭتۇستىك ۋەلس شتاتىنىڭ كوپ بولىگىندە جاڭبىر جاۋىر جاتىر. ءبىز جاڭبىردىڭ ۇزاق جاۋۋىن تىلەپ وتىرمىز» دەپ جازادى شەنەۋنىكتەر.

ولاردىڭ ايتۋىنشا، الداعى بىرنەشە كۇندە جاڭبىر تولاسسىز جاۋۋى مۇمكىن.

ايتا كەتۋ كەرەك، اۆستراليادا ورتتەن 20 ادام قازا تاۋىپ، شىلدەدەن بەرى ميلليونداعان اكر جەر ورتەنىپ كەتتى. سيدنەي ۋنيۆەرسيتەتى ەكولوگتارىنىڭ ايتۋىنشا، اۆستراليادا ورتتەن 1 ميللياردتان استام جانۋار ولگەن.

اۆتور: ايكۇمىس بولاتبەك