ءال- فارابيدىڭ ءوز ەڭبەكتەرىنىڭ سانى مىڭعا جۋىقتايدى
بۇل شارا ۇلى ويشىل، عالىم ءابۋ ناسىر ءال- ءفارابيدىڭ 1150 جىلدىعى اياسىندا جۇزەگە اسىپ وتىر. عىلىمي ورتالىقتىڭ اشىلۋ سالتاناتىنا قاتىسقان بەلگىلى عالىمدار مەن جازۋشىلار ۇلى ويشىلدىڭ دۇنيە ءجۇزى عىلىمىنا قوسقان ۇلەسىن اتاپ ءوتتى. ۇلتتىق كىتاپحانا قورىندا ادامزاتتىڭ ەكىنشى ۇستازى اتانعان ءال- ءفارابيدىڭ ەڭبەكتەرى مەن ءومىرى، شىعارماشىلىعى تۋرالى 4000-نان استام زەرتتەۋلەر مەن شىعارمالار ساقتاۋلى ەكەن.
ال ءال- فارابيدىڭ ءوز ەڭبەكتەرىنىڭ سانى مىڭعا جۋىقتايدى دەيدى كىتاپحانا ۇجىمى. ءبىراق ولاردىڭ بارلىعى - اۋدارما. سونداي- اق بۇگىنگى اشىلۋ سالتاناتىندا ءال- فارابي ەڭبەكتەرىنىڭ ساندىق نۇسقاسى كورسەتىلدى. بۇل ورتالىقتىڭ ماقساتى - ەنتسيكلوپەديست- عالىم ءابۋ ناسىر ءال- فارابيدىڭ رۋحاني جانە عىلىمي مۇراسىن دارىپتەۋ. سونداي- اق عالىمدارعا ونى تەرەڭ زەرتتەۋگە مۇمكىندىك جاساۋ.
باقىتجامال وسپانوۆا، ق ر ۇلتتىق كىتاپحاناسىنىڭ ديرەكتورى:
- ۇلتتىق كىتاپحانانىڭ قورىندا ءال- فارابي ەڭبەكتەرىنىڭ ءتۇپنۇسقالارى جوق. ءبىراق ءبىز ۇلكەن جۇمىس جۇرگىزەمىز، ەكسپەديتسيا ۇيىمداستىرامىز، زەرتتەۋ جۇمىستارىن ۇيىمداستىرىپ جاتىرمىز. قاي ەلدەردە بار، سول جۇمىستاردى جۇرگىزىپ، وزىمىزگە ساندىق تۇرگە كوشىرەمىز. ءبىزدىڭ قورىمىزدا دا ولار بولادى دەپ سەنەمىز.
ءابساتتار دەربىسالى، ر. ب. سۇلەيمەنوۆ اتىنداعى شىعىستانۋ ينستيتۋتىنىڭ ديرەكتورى:
- ول 1150 جىل بۇرىن وتىراردا ول كەزدە ۋنيۆەرسيتەتتەر جوق، مەدرەسەلەر جوق، يسلام جاڭادان عانا كەلدى. سوعان قاراماستان، مەسوپاتامياعا، باعداتقا، شام ەلىنە عىلىم ىزدەپ باردى. تەك اراب ءتىلىن عانا ەمەس، گرەك ءتىلىن ۇيرەنىپ عاجاپ شىعارمالار قالدىردى.
www.24.kz
