تويوتو قىتايداعى جۇمىسىن توقتاتتى

استانا. قازاقپارات - Тoyota كومپانياسى كوروناۆيرۋس ينفەكسياسىنىڭ كەڭ تارالۋىنا بايلانىستى قىتايداعى زاۋىتتارىنىڭ جۇمىسىن ۋاقىتشا توقتاتاتىنىن جاريالادى، دەپ جازادى كۋرسيۆ باسىلىمى.

كومپانيا مالىمدەمەسىندە زاۋىتتاردى جابۋ تۋرالى شەشىم «بولشەك جەتكىزۋ مەن لوگيسيكاداعى ءتۇرلى فاكتورلاردى، سونىڭ ىشىندە، جەرگىلىكتى جانە ايماقتىق اكىمشىلىكتىڭ ۇسىنىستارىن ەسكەرە وتىرىپ»، شىعارىلعانى جازىلعان.

حابارلامادا زاۋىتتاردىڭ 10-اقپاننان جابىلىپ، 17-اقپاننان «جۇمىسىن قايتا جالعاستىرۋعا دايىندالاتىنى» ايتىلعان. Toyota-نىڭ قىتايدا اۆتوكولىك پەن قاجەتتى بولشەكتەردى شىعاراتىن 12 زاۋىتى بار.

بۇعان دەيىن Starbucks تا كوروناۆيرۋس ەپيدەمياسى سالدارىنان، ءوز ساۋدا نۇكتەلەرىن جاباتىنىن حابارلاعان ەدى.

ايتا كەتسەك، قازاقستان قىتايدان تاۋار تاسىمالداۋعا شەكتەۋ قويمايدى. ۇكىمەت كوروناۆيرۋس ينفەكتسياسى تارالۋىنىڭ الدىن الۋ ءۇشىن بيۋدجەتتەن 3,5 ميلليارد تەڭگە ءبولدى.