سۇلتان بەيبارىستىڭ كايردەگى مەشىتىن جوندەۋ جۇمىستارى بيىل اياقتالادى
قازاقستاننىڭ مىسىرداعى ەلشىسى ارمان يساعاليەۆ مار كونە ەسكەرتكىشتەر جانە تۋريزم ءمينيسترى حالەد ءال- اننانيمەن كەزدەسىپ، ەكى ەل اراسىنداعى تۋريزم سالاسىنداعى ىنتىماقتاستىقتى دامىتۋ جولدارىن قاراستىردى.
اتاپ ايتقاندا، ديپلومات سوڭعى جىلدارى قازاقستاننان شارم ال- شەيح پەن حۋرگاداعا تىكەلەي چارتەرلىك رەيستەر اشىلۋىنىڭ ارقاسىندا مىسىر كۋرورتتارىنا كەلەتىن قازاقستاندىق تۋريستەردىڭ سانى ەداۋىر ارتقانىن ايتتى.
بيىلعى جىلدان باستاپ، مىسىردا كەڭىنەن جۇرگىزىلىپ جاتقان اقپاراتتىق- جارنامالىق كامپانيانىڭ ارقاسىندا مىسىرلىق تۋريستەردىڭ ءبىزدىڭ ەلگە كەلۋگە دەگەن قىزىعۋشىلىعى دا ارتۋدا. وسىعان وراي، ەلشى ەكى ەل اراسىنداعى تۋريستىك اعىمدى كەڭەيتۋ ءۇشىن مىسىرلىق اۋەكومپانيالاردىڭ قازاقستانعا تىكەلەي اۋە رەيستەرىن اشۋعا قولعابىس بەرۋدى سۇرادى. ح. ءال- انناني مار ازاماتتىق اۆياتسيامەن بىرلەسىپ بۇل ماسەلەنى جاقىن ارادا شەشۋگە ۋادە ەتتى. ءمينيستردىڭ ايتۋىنشا، قوسىمشا رەيستەردىڭ اشىلۋى تەك ءوزارا ءتۋريزمنىڭ وسۋىنە عانا ەمەس، ەكى ەل اراسىنداعى بيزنەس قاتىناستارى مەن ساۋدا- ەكونوميكالىق ىنتىماقتاستىقتىڭ جاندانۋىنا سەرپىن بەرەدى.
بۇعان قوسا، ا. يساعاليەۆ ۇلى دالا ەلىنىڭ داڭقتى پەرزەنتى سۇلتان بەيبارىستىڭ كايردەگى مەشىتىن قالپىنا كەلتىرۋ جۇمىستارىن جاڭعىرتقانى ءۇشىن مىسىردىڭ ۇكىمەتى مەن كونە ەسكەرتكىشتەر جانە تۋريزم مينيسترلىگىنە زور العىس ءبىلدىردى.
قازىرگى كەزدە جۇمىستار قارقىندى جۇرگىزىلۋدە. اتالمىش جوبانىڭ باس مەردىگەرى - مىسىر مەن تاياۋ شىعىستاعى ەڭ ءىرى «Arab Contractors» قۇرىلىس كومپانياسى وكىلدەرىنىڭ ايتۋىنشا، مەشىتتى رەستاۆراتسيالاۋ جۇمىستارى تولىعىمەن 2020 -جىلعى شىلدەدە اياقتالۋى ءتيىس.
ەسكە سالساق، وتكەن جىلى مىسىر ۇكىمەتى سۇلتان بەيبارىس مەشىتىن قالپىنا كەلتىرۋگە 181 ميلليون فۋنت بولگەن بولاتىن.
