كوروناۆيرۋس تۋرالى العاش ەسكەرتكەن دارىگەر قايتىس بولدى
34 جاستاعى دارىگەر ۋحان قالاسىنىڭ ورتالىق اۋرۋحاناسىندا قىزمەت ەتكەن. ول 11 - قاڭتاردا Weibo الەۋمەتتىك جەلىسىندە جوتەل مەن قىزۋى كوتەرىلگەنىن جازعان. دارىگەر 1 -اقپانداعى سوڭعى حابارلاماسىندا وعان كوروناۆيرۋس دياگنوزى قويىلعانىن حابارلاعان.
2019 -جىلدىڭ 30 - جەلتوقسانىندا دارىگەر WeChat الەۋمەتتىك جەلىسى ارقىلى ارىپتەستەرىنە ۋحانداعى حۋانان تەڭىز ونىمدەرىندە ا ءتيپتى پنيەۆمونيانىڭ (SARS) 7 ادامدا انىقتالعانى تۋرالى جازعان. ارىپتەستەرىنە ول ۆيرۋستان قورعايتىن كيىم كيۋىن ەسكەرتكەن. لي سول كەزدە اۋرۋدىڭ سەبەبى كوروناۆيرۋستىڭ جاڭا شتاممى ەكەنىن بىلمەگەن.
ليدىڭ حابارى الەۋمەتتىك جەلىلەردە تەز تارالا باستادى، سەبەبى ادامدار SARS قايتا ورالدى دەپ قورىققان. كەلەسى كۇنى لي مەن تاعى جەتى دارىگەردى پوليتسيا بولىمىنە شاقىرعان. ولارعا قوعامدىق ءتارتىپتى بۇزۋى مۇمكىن مۇنداي «جالعان حابارلامالاردى» تاراتپاۋ كەرەكتىگى تالاپ ەتىلگەن. الايدا، 31 -جەلتوقساندا- اق قىتاي ۇكىمەتى دۇنيەجۇزىلىك دەنساۋلىق ساقتاۋ ۇيىمىنا ۋحاندا پنيەۆمونيانىڭ بەلگىسىز ءتۇرى پايدا بولعاندىعىن ەسكەرتكەن. ساراپشىلار بۇل كوروناۆيرۋتىڭ جاڭا ءتۇرى ەكەنىن انىقتادى.
پوليسەيلەر شاقىرتقاننان 1 اپتا وتكەسىن دارىگەر لي گلاۋكومامەن اۋىراتىن ناۋقاستى ەمدەگەن. ول ناۋقاستان جوتەلۋ، تىنىس الۋىندا قيىندىقتار سياقتى كوروناۆيرۋس بەلگىلەرىن بولماعاسىن، جاڭا ۆيرۋس تۇرىمەن اۋىراتىن ناۋقاس دەپ ويلاماعان. شىن مانىندە ول كوروناۆيرۋستى تاسىمالدايتىن ناۋقاس بولىپ شىققان. 10 -قاڭتاردا دارىگەر لي جوتەلە باستاعان، كەلەسى كۇنى ونىڭ قىزۋى كوتەرىلىپ، ەكى كۇننەن كەيىن اۋرۋحاناعا جاتقىزىلادى. كوپ ۇزاماي ونىڭ اتا- اناسى دا اۋرۋحاناعا جاتقىزىلعان.
كوروناۆيرۋستىڭ جاڭا ءتۇرى رەسمي تۇردە انىقتالعاسىن ۋحان اكىمشىلىگى دارىگەر ليدەن كەشىرىم سۇراعان. قازىر قىتاي الەۋمەتتىك جەلىسىندە ونىڭ وقيعاسى قىزۋ تالقىلانىپ، ادامدار ونى «قاھارمان، مۇنداي ۆيرۋستىڭ الدىن الۋ ءۇشىن لي سياقتى 10 ميلليونداعان دارىگەر كەرەك دەپ جازىپ جاتىر».
Massaget.kz
