ەلىمىزدە قازاق كۇرەسى اكادەمياسى اشىلۋى مۇمكىن
بۇل جوسپار تۋرالى و ك ق-دا وتكەن باسپا ءسوز ءماسليحاتىندا ق ر قازاق كۇرەسى فەدەراتسياسىنىڭ پرەزيدەنتى - اقپارات جانە قوعامدىق دامۋ ءمينيسترى داۋرەن ابايەۆ ءبولىستى، دەپ حابارلايدى قازاقپارات ءتىلشىسى.
ەسكە سالا كەتسەك، بۇعان دەيىن داۋرەن ابايەۆ پيلوتتىق جوبا رەتىندە ەلورداداعى بەس مەكتەپكە قازاق كۇرەسى ءپانى ەنگىزىلەتىنىن ءمالىم ەتكەن ەدى.
«قازىرگى تاڭدا قازاق كۇرەسىنىڭ 100 ساعاتتىق وقۋ باعدارلاماسى دايىندالدى. ول وقۋ باعدارلاماسىندا كۇرەستىڭ الىپپەسىنەن باستاپ وزىندىك سپورت ءتۇرى رەتىندە بارلىق قىرى، وقىتۋ جولدارى قامتىلعان. الداعى وقۋ جىلى پيلوتتىق جوبا رەتىندە نۇر- سۇلتان قالاسىندا بەس مەكتەپتە دەنە شىنىقتىرۋ پاندەرىنە قازاق كۇرەسى ەنگىزىلەدى. الەمنىڭ كوپتەگەن ەلىندە ۇلتتىق سپورت مىندەتتى تۇردە مەكتەپتە وقىتىلادى. سول سەبەپتى جۇمىستى رەتتەپ الۋ ءۇشىن باستابىندا بەس مەكتەپكە فاكۋلتاتيۆتى پيلوتتىق جوبا رەتىندە ەنگىزدىك»، - دەگەن ەدى داۋرەن ابايەۆ.
فەدەراتسيا وسى ماقساتتىڭ ىزىنشە ءتيىستى مامانداردى دايىنداۋ ءۇشىن ارنايى وقۋ ورنىن اشۋدى كوزدەپ وتىر.
«قازاق كۇرەسىن بارلىق مەكتەپىڭ باعدارلاماسىنا قوسۋ ءۇشىن مامانداردىڭ جەتىسپەۋشىلىگى تۋىنداۋى مۇمكىن. سوندىقتان ءبىز ماماندار دايىندايتىن قازاق كۇرەسى اكادەمياسىن اشۋدى جوسپارلاپ وتىرمىز. اكادەميا مامانداردى عانا وقىتىپ قانا قويماي، تورەشىلەردىڭ بىلىكتىلىگىن ارتتىرۋ، ۇلتتىق كۇرەستىڭ عىلىمي- پراكتيكالىق تۇرعىدا زەرتتەلۋىن قامتاماسىز ەتەدى. ياعني بارلىق الەمدىك سپورت رەتىندە ءبىز دە قازاق كۇرەسىن عىلىمي تۇرعىدان زەرتتەۋىمىز كەرەك»، - دەدى داۋرەن ابايەۆ.
