الەۋمەتتىك جەلىگە اقپارات جەتكىزۋ ءۇشىن ەمەس، لايك ءۇشىن جازادى - ساياساتتانۋشى

نۇر-سۇلتان. قازاقپارات - ءبىزدىڭ قوعام گازەت وقىمايدى، كوبى اقپاراتتى الەۋمەتتىك جەلىدەن بىلەدى.

ەلوردادا ءوتىپ جاتقان قازاق ءتىلدى ونلاين كونتەنت جاساۋشىلاردىڭ فورۋمىندا وسىنداي پىكىر ايتىلدى، دەپ حابارلايدى قازاقپارات ءتىلشىسى.

«ءبىزدىڭ قوعام گازەت وقىمايدى، كوبى اقپاراتتاردى الەۋمەتتىك جەلىدەن بىلەدى. ءداستۇرلى ب ا ق قۇرالدارىنا تەرەڭدىك كەرەك، سوندا عانا باسەكە بولادى، سەبەبى گازەت ءار 10-15 مينۋت سايىن شىقپايدى»، - دەيدى ساياساتتانۋشى سامات نۇرتازا.

ول «قوعامعا ۆاينەرلەر، مەسسەندجەرلەر كەرەك ەمەس» دەگەن ويمەن كەلىسپەيتىنىن ايتتى.

« ⅩⅤII - XVIII عاسىردا حانعا شىندىقتى دومبىرامەن ايتاتىن ادامدار بولعانى سياقتى مەسەندجەرلەر حالىققا سىلكىنىس بەرەتىن يمپۋلس رەتىندە قابىلدانادى. الەۋمەتتىك جەلىدە كوبى دۇرىس اقپارات ايتايىن دەپ ەمەس، كوپ لايك جينايىن دەپ جازادى. ساراپشىلاردىڭ ايتۋىنشا، الەمدە جىلىنا ءبىر ادام الەۋمەتتىك جەلىنىڭ كەسىرىنەن وزىنە قول سالادى. ايگىلى ستيۆەن كينگ «الەۋمەتتىك جەلىدە ءوز-ءوزىمدى الداعىم كەلمەيدى، شىنايى ومىرگە بەت بۇرعىم كەلەدى» دەپ Facebook پاراقشاسىن جاۋىپ تاستاعان. بلوگەرلەردى، ساياساتتانۋشىلاردى توك-شوۋلارعا شاقىرىپ تۇرۋ كەرەك، سەبەبى بۇل جەردە ويدى ەركىن ايتۋ مۇمكىندىگى بار»، - دەيدى ول.