10:46, 07 - اقپان 2020 | GMT +5
ۋحاندا بەس بالا كوروناۆيرۋستان ايىقتى
بەيجىڭ. قازاقپارات - وتكەن بەيسەنبى كۇنى ۋحان قالاسىندا (حۋبي پروۆينسياسى، ورتالىق قىتاي) كوروناۆيرۋستىڭ جاڭا ءتۇرىن جۇقتىرعان بەس بالا ايىعىپ، اۋرۋحانادان شىعارىلدى، دەپ حابارلايدى «قازاقپارات» ح ا ا مەنشىكتى ءتىلشىسى.
ەڭ كىشكەنتاي پاتسيەنتتىڭ جاسى ەكىدە بولسا، ۇلكەنى -14 تە.
ۋحان قالالىق بالالار اۋرۋحاناسىنىڭ حابارلاۋىنشا، بالالار ايىعىپ شىققان سوڭ دا ەكى اپتا بويى مەديتسينالىق باقىلاۋدا بولادى.
«بالالاردىڭ يممۋندىق جۇيەسى جەتىلمەگەن، سوندىقتان ولار ءارتۇرلى سيمپتومدارى بار تىنىس الۋ جولدارى ينفەكسيالارىن تەز قابىلدايدى»، - دەپ اتاپ ءوتتى اتالعان اۋرۋحانا دارىگەرى فان يۋيجۋن.
بۇعان دەيىن ۋحان قالاسىندا (ورتالىق قىتاي، حۋبەي پروۆينسياسى) جاڭا تۋعان ءسابيدىڭ كوروناۆيرۋس جۇقتىرعانى تۋرالى اقپارات راستالعان بولاتىن.
قىتايلىق دارىگەرلەر جاڭا تۋعان نارەستەگە اۋرۋدىڭ قۇرساقتا بەرىلۋ ىقتيمالدىعىن قاراستىرىپ جاتىر. قازىر ءسابيدىڭ جاعدايى باقىلاۋدا.
اۆتور: رۋسلان سۇلەيمەنوۆ
