قىتاي كوروناۆيرۋستى تەكسەرەتىن روبوت جاساپ شىعارماق

نۇر-سۇلتان. قازاقپارات - قىتايدا مەديتسينا قىزمەتكەرلەرىنىڭ ورنىنا كوروناۆيرۋس جۇقتىرۋ قاۋپى بار ناۋقاستاردى تەكسەرەتىن روبوت قۇراستىرۋ جۇمىستارى باستالدى.

بۇل تۋرالى شينحۋا اگەنتتىگى حابارلادى.

بۇل ونەرتابىستى Siasun Robot and Automation روبوت جاساۋشى كومپانياسى قىتايدىڭ شەنيان اۆتوماتتاندىرۋ ينستيتۋتىمەن بىرلەسىپ جاساماق. جوبانى جەدەل ىسكە اسىرۋ ءۇشىن روبوتتى قۇراستىرۋعا ينستيتۋتتىڭ ءارتۇرلى بولىمدەرىنىڭ ماماندار جۇمىلدىرىلدى.

ايتا كەتسەك، كوروناۆيرۋستى جۇقتىرعان- جۇقتىرماعانىن تەكسەرۋ بارىسىندا ادەتتە پاتسيەنتتىڭ اۋىز قۋىسىنان ساراپتاما جيناۋ ءۇشىن تامپون قولدانىلادى. سوندىقتان مەدبيكەلەردىڭ ۆيرۋستى جۇقتىرىپ الۋ قاۋپى جوعارى.

www.24.kz