ۋحانداعى ءارتۇرلى نىساندار ۋاقىتشا اۋرۋحانا رەتىندە قولدانىلا باستادى

نۇر-سۇلتان. قازاقپارات – قىتايدىڭ ۋحان قالاسىنداعى ۋاقىتشا اۋرۋحاناعا كوروناۆيرۋس جۇقتىرعان ازاماتتاردىڭ العاشقى لەگى كەلىپ ءتۇستى، دەپ حابارلايدى «حابار 24».

100-دەن اسا ناۋقاس شاھارداعى قوعامدىق اۋرۋحانالاردان جىبەرىلگەن.

ايتا كەتەيىك، 1800 ازاماتتى قابىلداي الاتىن بۇل مەكەمە اۋرۋى اسقىنباعان ازاماتتاردى ەمدەۋمەن اينالىسادى. ال ناۋقاستاردىڭ جاعدايى كۇرت ناشارلاپ كەتكەن جاعدايدا ولار وزگە مەكەمەلەرگە كوشىرىلەدى. جالپى دەندەگەن دەرتكە بايلانىستى ىندەتپەن كۇرەس شتابى قازىر تاعى 3 نىساندى اۋرۋحانا رەتىندە قولدانۋدى جوسپارلاپ وتىر. ونىڭ ىشىندە ءبىر گيمنازيا، حالىقارالىق كونفەرەنتس- ورتالىق پەن مادەني كەشەن بار. ولاردى قاجەتتى جابدىقتارمەن جابدىقتاعان سوڭ جالپى سانى 3400 ناۋقاستى قابىلداي الاتىن اۋرۋحانالار پايدا بولماق.

www.24.kz