ەلوردادا كوممۋنالدىق قىزمەتتەر تاريفى قىمباتتادى

اتاپ ايتساق، تۇرعىندار ەندى جىلۋ ءۇشىن 5، سۋ ءۇشىن 10، ال ەلەكتر ەنەرگياسى ءۇشىن بۇرىنعىدان % 10 كوپ تولەيدى.

بۇل تۋرالى بۇگىن باسپا ءسوز ءماسليحاتىندا تابيعي مونوپوليالاردى رەتتەۋ كوميتەتىنىڭ باسشىسى بولات تانابەرگەنوۆ مالىمدەدى.

ونىڭ ايتۋىنشا، باعا وزگەرۋىنىڭ بىرنەشە سەبەبى بار. ماسەلەن، ەلەكتر قۋاتىمەن قامتاماسىز ەتۋشى سەرىكتەستىك - «استانا ەنەرگوسبىت» قىمباتتاۋدىڭ باستى سەبەبى رەتىندە ەنەرگيا ءوندىرۋشى، ەنەرگياتاسىمالداۋشى ۇيىمداردىڭ باعاسىنىڭ كوتەرىلۋىن اتادى.

«سونداي- اق كوممۋنالدىق كاسىپورىنداردىڭ مەملەكەت الدىنداعى ينۆەستيتسيالىق مىندەتتەمەلەرى دە باعاعا اسەر ەتەدى»، - دەيدى جاۋاپتى مەكەمە وكىلدەرى.

بولات تانابەرگەنوۆ، ق ر ۇ ە م تابيعي مونوپوليالاردى رەتتەۋ كوميتەتىنىڭ باسشىسى:

- جىلۋمەن قامتاماسىز ەتەتىن «استانا ەنەرگو سبىت» ج ش س 2020 -جىلدىڭ 1- قاڭتارىنان باستاپ تاريفتەرى ورتاشا ءوتىمدى تاريفى 2920 تەڭگە، ءوسۋى % 7,9. سونىڭ ىشىندە حالىق ءۇشىن % 5 وسەدى، سۋ قىزمەتى بويىنشا حالىققا 34 تەڭگە 86 تيىن. ول قولدانىستاعى تاريفتەن % 10 وسەدى، 2020 -جىلدىڭ 1 - قاڭتارىنان باستاپ قوسىلعان قۇن سالىقسىز ورتاشا تاريف 14 تەڭگە 10 تيىن. حالىققا % 10 وسەدى.

www.24.kz