«سامۇرىق-قازىنا» ديرەكتورلار كەڭەسىنىڭ ءتوراعاسى سايلاندى
ايتا كەتكەن ءجون، بۇعان دەيىن قازاقستان رەسپۋبليكاسىنىڭ پرەمەر-ءمينيسترى «سامۇرىق-قازىنا» ۇ ءا ق» ا ق ديرەكتورلار كەڭەسىنىڭ ءتوراعاسى بولعان.
2018-جىلى مامىردا قابىلدانعان «ۇلتتىق ءال-اۋقات قورى تۋرالى» قازاقستان رەسپۋبليكاسىنىڭ زاڭىنا ەنگىزىلگەن وزگەرىستەرگە سايكەس، 2020-جىلدىڭ 1- قاڭتارىنان باستاپ قازاقستان رەسپۋبليكاسىنىڭ پرەمەر-ءمينيسترى قوردىڭ ديرەكتورلار كەڭەسىنىڭ قۇرامىنان كەتتى.
«ۇلتتىق ءال-اۋقات قورى تۋرالى» زاڭنىڭ 8-بابىنىڭ 2-تارماعىنا سايكەس، قوردىڭ ديرەكتورلار كەڭەسىنىڭ ءتوراعاسى تاۋەلسىز ديرەكتورلاردىڭ اراسىنان كوپشىلىك داۋىسپەن جاسىرىن داۋىس بەرۋ ارقىلى سايلانادى.
بۇل جاڭاشىلدىقتار 2018-جىلدىڭ ساۋىرىندە ەلباسى ماقۇلداعان قوردىڭ جاڭا دامۋ ستراتەگياسىنا، سونداي-اق رەتتەۋشى فۋنكتسيالارىنان مەنشىك يەسى رەتىندە مەملەكەتتىڭ فۋنكتسيالارىن ناقتى ءبولۋدى كوزدەيتىن مەملەكەت قاتىساتىن كومپانيالار ءۇشىن حالىقارالىق ستاندارتتارعا سايكەس كەلەدى.
اعىمداعى جىلدىڭ 1- قاڭتارىنان باستاپ قوردىڭ ديرەكتورلار كەڭەسى 7 مۇشەدەن تۇرادى، ولاردىڭ 4 ءۋى تاۋەلسىز ديرەكتورلار: ونگ بۋن حۆي، قايرات ماجىبايەۆ، دجون دۋداس جانە الپەر اكدەنيز، سونداي-اق پرەزيدەنتتىڭ كومەكشىسى قانات بوزىمبايەۆ، ۇلتتىق ەكونوميكا ءمينيسترى رۋسلان دالەنوۆ جانە قور ءتوراعاسى احمەتجان ەسىموۆ.
دجون دۋداس 1959-جىلى 24- جەلتوقساندا تۋعان، ۇلى بريتانيا ازاماتى. ول Gencor Ltd. جانە BHP Billiton سياقتى حالىقارالىق كومپانيالاردا باسشىلىق قىزمەتتەردى اتقاردى، وندا كومپانيا توبىنىڭ باس كوممەرتسيالىق ديرەكتورى جانە ماركەتينگ جونىندەگى ديرەكتورى، كورپوراتيۆتىك جوسپارلاۋ جونىندەگى ديرەكتورى جانە اليۋمينيي بولىمشەسىنىڭ باس ديرەكتورى بولعان.
2012-جىلدان باستاپ دجون دۋداس ءارتۇرلى كوپ ۇلتتى تاۋ-كەن جانە كاسىبي سەرۆيستىك كومپانيالاردا تاۋەلسىز ديرەكتور جانە كورپوراتيۆتىك كەڭەسشى بولىپ جۇمىس ىستەدى. «سامۇرىق-قازىنا» ا ق ديرەكتورلار كەڭەسىنە سايلانعانعا دەيىن دجون «قازاتوم ونەركاسىپ» ۇ ا ك» ا ق تاۋەلسىز ديرەكتورى جانە ديرەكتورلار كەڭەسىنىڭ ءتوراعاسى بولىپ جۇمىس ىستەدى، سونداي-اق قازىر دجون «قازاتوم ونەركاسىپ» ۇ ا ك» ا ق ديرەكتورلار كەڭەسى جانىنداعى كوميتەتتەردىڭ مۇشەسى.
