13:24, 06 - اقپان 2020 | GMT +5
ا ق ش سەناتى ترامپتى اقتاپ الدى
ۆاشينگتون. قازاقپارات – ا ق ش پرەزيدەنتى دونالد ترامپقا جاريالانعان يمپيچمەنت پروتسەسى اياقتالدى. ا ق ش سەناتى پرەزيدەنتتى ەكى باپ بويىنشا دا اقتاپ الدى، دەپ حابارلايدى قازاقپارات Reuters اگەنتتىگىنە سىلتەمە جاساپ.
ونىڭ اقتالۋىنا سەناتورلار اراسىندا رەسپۋبليكالىق پارتيا مۇشەلەرىنىڭ كوپ بولعانى اسەر ەتتى. ايتا كەتۋ كەرەك، ترامپ ا ق ش تاريحىندا يمپيچمەنت جاريالانعان ءۇشىنشى پرەزيدەنت بولدى.
ال يمپيچمەنت وعان ەكى باپ بويىنشا جاريالانعان ەدى. ونىڭ بىرىندە ترامپ قىزمەتىن اسىرا پايدالاندى دەلىنسە، ەكىنشى باپ بويىنشا ول كونگرەسس جۇمىسىنا كەدەرگى كەلتىردى دەپ ايىپتالعان. ال سەناتورلاردىڭ ۇشتەن ەكىسىنىڭ داۋىسى جينالسا، ترامپ سوتتالىپ، پرەزيدەنتتىكتى بوسايتىن ەدى.
قازىر ترامپ سايلاۋالدى كەزەڭگە دايىندىقتى باستاپ كەتتى.
