قىتايدا جاڭا تۋعان سابيدەن كوروناۆيرۋس تابىلدى

بەيجىڭ. قازاقپارات - سارسەنبى كۇنى قىتايدىڭ ۋحان قالاسىندا (ورتالىق قىتاي، حۋبەي پروۆينتسياسى) جاڭا تۋعان ءسابيدىڭ كوروناۆيرۋس جۇقتىرعانى تۋرالى اقپارات راستالدى، دەپ حابارلايدى قازاقپارات «شينحۋا» اگەنتتىگىنە سىلتەمە جاساپ.

ءسابي دۇنيەگە كەلگەن سوڭ 30 ساعاتتان سوڭ جاڭا كوروناۆيرۋس ينفەكسياسىنا تەكسەرىلدى. وسى ۋاقىتتا اناسىنىڭ تالداۋى كوروناۆيرۋسقا وڭ ناتيجە بەردى. نارەستە ۋحانداعى مامانداندىرىلعان بالالار اۋرۋحاناسىندا باقىلاۋدا، ونىڭ جاعدايى تۇراقتى دەپ باعالاندى.

قىتايلىق دارىگەرلەر «ينفەكسيانىڭ انادان بالاعا تىكەلەي بەرىلۋ» ىقتيمالدىعىن قاراستىرۋدا.

سوڭعى دەرەكتەر بويىنشا (5-اقپان كۇنى ساعات 24:00-دەگى جاعداي بويىنشا) 28 مىڭنان استام ادام كوروناۆيرۋس جۇقتىرعانى راستالدى، ونىڭ 563 ى قايتىس بولسا، 1153 ى اۋرۋحانادان شىعارىلدى.

سوڭعى تاۋلىكتە 3694 ادامعا اۋرۋ جۇققانى انىقتالعان. ولاردىڭ 73 ى قايتىس بولعان (حۋبەي پروۆينسياسىندا-70, حيلۋجياڭدا – 1، گۋيجوۋدا - 1، تيانجيندا -1). 261 ادام اۋرۋحانادان شىقتى.

قازىرگى ۋاقىتتا 24 مىڭنان استام ادام كوروناۆيرۋس جۇقتىرۋى مۇمكىن دەگەن كۇدىكپەن تىركەۋدە تۇر، 186 مىڭى مەديتسينالىق باقىلاۋعا الىنعان.

اۆتورى رۋسلان سۇلەيمەنوۆ