كوروناۆيرۋستىڭ اسەرىنەن قىتايلىقتار ءساندى كيىمنەن ايىرىلادى

نۇر- سۇلتان. قازاقپارات – Adidas كومپانياسى كوروناۆيرۋستىڭ تارالۋىنا بايلانىستى قىتايداعى برەندتىك دۇكەندەرىنىڭ ءبىرشاماسىن جاباتىنىن مالىمدەدى. ازىرگە قانشا ءساندى كيىمنىڭ ساتىلاتىنى تۋرالى اقپارات جوق، دەپ حابارلايدى Reuters.

كومپانيا وكىلى قىتايداعى جاعداي كومپانيانىڭ قىزمەتىنە كەرى اسەرىن تيگىزەتىنىن ايتتى.

الايدا بۇل اسەردىڭ مولشەرىن باعالاۋعا ءالى ەرتە. قىتاي فيرمانىڭ جەتەكشى نارىعى بولدى، - دەدى ول.

وتكەن جىلى Adidas ساتىلىمى ازيا ايماعىندا ەكى ەسەگە، ال قىتايدا 16 پايىزعا ارتقان.

كوروناۆيرۋستى ىندەت قىتايدا 2019 -جىلدىڭ جەلتوقسانىندا پايدا بولدى. اقپان ايىنىڭ باسىندا ۆيرۋس جۇقتىرعانداردىڭ سانى 20 مىڭنان اسىپ، 500 گە جۋىق ادام قايتىس بولدى. بۇدان وزگە جۇقپالى ىندەت تاعى 24 ەلدە انىقتالدى. ماماندار ۆيرۋستىڭ ءورشۋى پاندەمياعا اينالاتىنىن جوققا شىعارمايدى.