الداعى ەكى كۇندە ەلوردادا قاتتى كوكتايعاق بولادى

نۇر- سۇلتان. قازاقپارات - ەلوردادا الداعى 2 كۇنگە كوكتايعاق تۋرالى ەسكەرتۋ جاريالاندى، دەپ حابارلايدى قازاقپارات توتەنشە جاعدايلار دەپارتامەنتىنە سىلتەمە جاساپ.

«نۇر- سۇلتان قالاسىنىڭ توتەنشە جاعدايلار دەپارتامەنتى «قازگيدرومەت» ر م ك دەرەكتەرىنە سايكەس، 6 - جانە 7 - اقپان كۇندەرى كوكتايعاق بولاتىنىن حابارلايدى. وڭتۇستىك- باتىستان سوعاتىن جەلدىڭ ەكپىنى كۇندىز 15-20 م/س دەيىن جەتەدى» ، - دەلىنگەن قالالىق ت ج د باسپا ءسوز قىزمەتىنىڭ حابارلاماسىندا.

دەپاراتمەنت استانا تۇرعىندارى مەن قوناقتارىنا ساق بولۋعا، اۋا- رايىنىڭ وزگەرۋى مەن شەكتەۋلەر تۋرالى اقپاراتتى باقىلاۋعا، قاتتى جەل بولعاندا جاقىن ماڭداعى عيماراتتى پانالاۋعا كەڭەس بەرەدى.

سونىمەن بىرگە، قۇرىلىس نىساندارىنا حالىقتى جانە اۋماقتى قولايسىز اۋا- رايىنان قورعاۋ بويىنشا قاۋىپسىزدىك شارالارىن قابىلداۋدى، قۇرىلىس- مونتاج جۇمىستارىن شەكتەۋ ۇسىنىلادى.

توتەنشە جاعداي تۋىنداعاندا «112» نومىرىنە حابارلاسۋ قاجەت.