ىستانبۇل اۋەجايىندا جولاۋشىلار ۇشاعى اپاتقا ۇشىرادى

ىستانبۇل. انادولى - قازاقپارات - ىستانبۇل اۋەجايىندا ۇشاق ۇشۋ- قونۋ جولاعىنان شىعىپ كەتتى، دەپ حابارلايدى قازاقپارات انادولى اگەنتتىگىنە سىلتەمە جاساپ.

سابيحي گەكچەن اتىنداعى اۋەجايدا يزمير- ىستانبۇل باعىتىنداعى لاينەر ۇشۋ- قونۋ جولاعىنان شىعىپ كەتىپ، ورتەنگەن.

ءورت سوندىرۋشىلەر ۇشاقتان شىققان ءورتتى مەرزىمىندە ءسوندىرىپ ۇلگەردى.

تۇركيانىڭ كولىك جانە ينفراقۇرىلىم ءمينيسترىنىڭ ايتۋىنشا، وقيعادان كوز جۇمعاندار جوق، ءبىراق زارداپ شەككەندەر بار.

وقيعا ورنىنان تۇسىرىلگەن سۋرەتتەرگە قاراعاندا، ۇشاق ۇشكە ءبولىنىپ كەتكەن.