قازاقستان فۋتبولدان الەم چەمپيوناتىنىڭ فينالدىق كەزەڭىنە شىقتى

نۇر- سۇلتان. قازاقپارات - فۋتزالدان قازاقستان قۇراماسى الەم چەمپيوناتى فينالدىق كەزەڭىنە جولداما الدى، دەپ حابارلايدى قازاقپارات ءتىلشىسى.

الەم چەمپيناتى ەليتالىق ساتىسى توپتىق كەزەڭىندەگى سوڭعى كەزدەسۋىندە قازاقستان قۇراماسى چەحيانى جەڭدى.

قازاقستان قۇراماسى العاشقى مينۋتتان ويىن تىزگىنىن قولا الدى. ناتيجەسىندە نەبارى ءتورت مينۋت ىشىندە قارسىلاس قاقپاسىنا ءۇش گولعىپ ۇلگەردى. العاشقى ەكى گولدى 3 جانە 4-مينۋتتاردا دۋگلاس جۋنيور سوقسا، سول 4-مينۋتتا تاينان ەسەپتى ۇستەمەلەي ءتۇستى. ال ەكىنشى كەزەڭنىڭ 23-مينۋتىندا دۋگلاس جۋنيور حەت- تريك جاسادى. ويىننىڭ 36-مينۋتىندا چەحتار ءبىر گول سوقتى. قازاقستاندىق ويىنشى تاينان 38-مينۋتتا بوس قاقپاعا گول سوعىپ كەتتى. ويىننىڭ بىتۋىنە 28-سەكۋند قالعاندا چەحتار تاعى ءبىر مارتە مەرگەندىك تانىتتى. كەزدەسۋدە قازاقستان چەحيانى 5:2 ەسەبىمەن جەڭدى.

وسىلايشا قازاقستان ءوز تاريحىندا ءۇشىنشى مارتە الەم چەمپيوناتى فينالدىق كەزەڭىنە جولداما الىپ وتىر.

الەم چەمپيوناتى ەليتالىق ساتىسى توپتىق كەزەڭىندە ءبىرىنشى ورىن العان پورتۋگاليا، يسپانيا، رەسەي قۇرامالارى فينالدىق ساتىسىنا تىكەلەي جولداما العان بولاتىن.

ەستەرىڭىزگە سالا كەتەلىك، الەم چەمپيوناتىنىڭ فينالدىق كەزەڭى 2020 -جىلدىڭ 12-قىركۇيەك – 4-قازان ارالىعىندا ليتۆادا وتەدى. وندا بارلىعى 24 قۇراما سىنعا تۇسەدى. ءاربىر توپتا جەڭىمپاز اتانعان ءتورت قۇراما ءتۋرنيردىڭ فينالدىق كەزەڭىنە تىكەلەي جولداما الادى. ال ءوز توبىندا ەكىنشى ورىن العان ءتورت قۇراما قوسىمشا ەكى جولدامانى ساراپقا سالادى. مۇنداي مۇمكىندىككە فينليانديا، سەربيا، حورۆاتيا جانە چەحيا قۇرامالارى يە بولىپ وتىر.