باسقان قادامىن ساناي الاتىن قۇمىرسقالار
بىرىنشىدەن، بۇل قۇمىرسقا - ساحارانىڭ ەڭ ىستىق جەرىندە ءومىر سۇرەتىن بىردەن- ءبىر جاندىك. ول شىداعان ىستىققا باسقا جاندىكتەر مەن جانۋارلار شىداي المايدى. ساحارانىڭ ىستىعى 50C- قا تەڭ. مۇنداي ىستىقتا ءتوزىپ، ءومىر بويى جۇرە بەرەتىن جەر بەتىندە بىردە- ءبىر تىرشىلىك يەسى جوق. ءتىپتى، بۇل قۇمىرسقالار 70C- قا دەيىنگى ىستىقتى كوتەرە الاتىن كورىنەدى. ال قۇمىرسقانىڭ ءوزى اپتاپ ىستىقتان ولگەن جاندىكتەرمەن قورەكتەنەدى.
ەكىنشىدەن، بۇل قۇمىرسقانىڭ ەرەكشەلىگى - تابيعاتتىڭ ناعىز قاتال كۇيىنە بەيىمدەلگەندىگى. ياعني، اپتاپ ساحارادا ىستىق ۇرماس ءۇشىن قۇمىرسقا ۇنەمى قوزعالىستا بولۋى قاجەت. توقتاپ، تۇرىپ قالۋعا بولمايدى. سوندىقتان بولسا كەرەك، عىلىمدا بۇل قۇمىرسقانى تەز جۇگىرەتىن قۇمىرسقالاردىڭ قاتارىنا قوسادى. ونىڭ ۇستىنە، ازىق ىزدەۋ ءۇشىن ۇزاققا كەتەدى، يلەۋىنەن الىس كەتۋگە ءماجبۇر. ال قايتاردا اداسىپ قالماس ءۇشىن جۇرگەن جولىن ەسەپتەپ وتىرادى. يلەۋىنەن شىققان ساتتە- اق كۇننىڭ باعىتىنا قاراي ونىڭ بۇرىشىن ولشەپ، كەيىن باسقان قادامىنىڭ سانىن جاتتاپ وتىراتىن كورىنەدى. ويتكەنى «ءۇيدى تابۋدىڭ» باسقا جولى جوق. ادەتتە، جانۋارلار ءىنى مەن ۇڭگىرىن ءيىس ارقىلى ىزدەپ تابادى. الايدا ساحارادا ىستىقتىڭ كەسىرىنەن ءيىس جوعالىپ كەتەدى.
قۇمىرسقانىڭ ساناي الاتىنىن عالىمدار تاجىريبە جاساپ انىقتاعان ەكەن. ياعني، ەكى قۇمىرسقانى الىپ بىرەۋىنىڭ اياعىنا كەڭدەۋ «تۇسامىس» بايلاسا، ەكىنشىسىنە تار «تۇسامىس» بايلاعان كورىنەدى. كەڭ «تۇساۋمەن» جۇرگەنى ىنىنەن ارى كەتىپ قالسا، تار «تۇساۋمەن» جۇرگەنى ىنىنە جەتە الماي قالعان. جانۋارلار الەمىندە ءبىز بىلمەيتىن قانشاما قىزىق بار.. .
Massaget.kz
