قىرىمبەك كوشەربايەۆ: ۇلتتىق داستۇرلەردى ەل بىرلىگىنە پايدالانۋ كەرەك
«ءبىز اۋدانداردىڭ دا، قالالاردىڭ اكىمدەرىن ساياسي قىزمەتكەر مارتەبەسىنە قايتىپ اكەلدىك. قوعامدىق سانانى جاڭعىرتۋ - ۇلكەن رۋحاني، ساياسي ماسەلە. اكىمدەر وڭىرلەردەگى ساياسي، الەۋمەتتىك- ەكونوميكالىق دامۋىنا جاۋاپتى. ساياسي جەتەكشىلىك جاسايسىزدار. ايتا كەتەيىن، مەملەكەت باسشىسىنىڭ بىزگە جاقىندا بەرگەن تاپسىرماسىنا سايكەس، ۇلتتىق يدەولوگيا ماسەلەلەرىن ودان ارى جەتىلدىرۋ بويىنشا ءوزىمىزدىڭ ۇسىنىستارىمىزدى دايىنداپ جاتىرمىز. بۇل ورتاق ءارى ۇلكەن جۇمىس. قازىر ەكونوميكالىق تا، رۋحاني دا، ساياسي دا ماسەلەلەر بىردەي قاتار ءجۇرۋى كەرەك. ول تۋرالى مەملەكەت باسشىسى قاسىم- جومارت توقايەۆ حالىققا ارناعان جولداۋىندا ناقتى ايتىپ كورسەتتى»، - دەدى مەملەكەتتىك حاتشى.
قىرىمبەك كوشەربايەۆ مينيسترلەر مەن اكىمدەر وسى جۇمىستىڭ الدىندا ءجۇرۋى كەرەكتىگىن ەسكە سالدى.
«مۇندا باعدارلاما شەڭبەرىندە كەلەڭسىز كورىنىستەردى شەكتەۋ تۋرالى پىكىرلەر ايتىلدى. الايدا قۇقىقتىق مەملەكەت قاعيداتى شەڭبەرىندە بۇل جايتتاردى شەكتەۋ قانشالىقتى ناتيجە بەرەتىنىن ساراپتاۋىمىز كەرەك. بۇگىنگى تاڭداعى توي - ۇلتتىق سالت- ءداستۇردىڭ سالتانات قۇراتىن، ۇرپاق ۇلاعات الاتىن، ونەر، مادەنيەت، تاربيە كورەتىن ونەگەلى شارالار بولسا دەيمىز. ءبىز ناۋرىز مەرەكەسىنىڭ قارساڭىندا تۇرمىز عوي. باتىستا كورىسۋ دەگەن جاقسى ءداستۇر بار. وندا قىستىگۇنى ەشكىم ەشقايدا قاتىناي المايدى عوي. قار ەري باستاعاننان كەيىن جەر قارايعاندا جاستار جينالىپ، اقساقالداردىڭ باتاسىن الادى. وسى سەبەپتى 14 - ناۋرىزعا تاياۋ امال مەرەكەسىن كەڭىنەن اتاپ، 22-24 - ناۋرىزدا ناۋرىز مەرەكەسىن تويلاۋعا بايلانىستى ءبىز دە ءوزىمىزدىڭ ۇسىنىسىمىزدى بەرەمىز. ۇلتتىق داستۇرلەرىمىزدى ەلدىڭ باسىن بىرىكتىرۋگە دۇرىس پايدالانۋىمىز كەرەك»، - دەدى ول.
ق ر پرەزيدەنتى اكىمشىلىگى باسشىسىنىڭ ورىنباسارىنىڭ ايتۋىنشا، «رۋحاني جاڭعىرۋ» باعدارلاماسىن جۇزەگە اسىرۋدا جاستار تاربيەسىنە باسىمدىق بەرىلۋى ءتيىس.
«جاستارعا دۇرىس بولىڭدار دەي بەرگەننەن ناتيجە شىعا ما دەگەن سۇراق بار. تولەن اعامىز دۇرىس ايتتى: جاستاردى تاربيەلەۋ ءۇشىن دۇرىس قۇندىلىقتاردى قالىپتاستىرۋ كەرەك. سول سەبەپتى وسى باعدارلاما اياسىندا دۇرىس قۇندىلىقتار ماسەلەسىن ءجيى كوتەرسەك، وسىعان باسىمدىق بەرسەك - ەلباسىنىڭ ستراتەگيالىق باعدارلاماسىنىڭ جۇزەگە اسىرىلۋىنا ۇلكەن ءبىر ۇلەس بولادى دەپ قابىلدايمىن. وسى تۇرعىدان كەلگەن كەزدە دۇرىس قۇندىلىقتاردى نە قالىپتاستىرادى؟ ەڭ بىرىنشىدەن، كوركەم تۋىندىلار، تەلەسەريالدار، فيلمدەر، كىتاپتار مەن جاقسى لەكتسيالار كەرەك. سوندىقتان، بيىل دا، كەلەر جىلداردا دا كوركەم تۋىندىلاردىڭ ساپاسىنا كوبىرەك كوڭىل ءبولۋ كەرەك سەكىلدى. مىسالى، الدا ءال- فارابي تۋرالى دا، اباي جايلى دا فيلمدەر تۇسىرىلەدى. وسىنداي تۋىندىلاردىڭ ءبارىن پىسىقتاپ، كەرەك بولسا كوميسسيادا تالقىلاپ الۋىمىز كەرەك»، - دەدى ول.
ماۋلەن اشىمبايەۆ اباي جايلى فيلم نەمەسە تەلەسەريال تۇسىرسەك، «تولىق ادام» كونسەپتسياسىن تۇسىندىرەرلىك دەڭگەيدە ەڭبەك جاسالۋى ءتيىس.
«وسى ماسەلەگە مەملەكەتتىك كوميسسيا كوبىرەك كوڭىل بولەتىن بولسا، ەلباسىنىڭ باعدارلاماسىنىڭ جۇزەگە اسىرىلۋىنا كوپ ۇلەسىن قوسار دەگەن ۇمىتتەمىز»، - دەدى ول.
ەسكە سالا كەتسەك، مەملەكەتتىك حاتشى قىرىمبەك كوشەربايەۆتىڭ توراعالىمەن اقوردادا بۇگىن ق ر پرەزيدەنتى جانىنداعى قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانىڭ وتىرىسى وتكىزىلدى.
اۆتور ايان بەكەن ۇلى
