بيىلدان باستاپ تەگىن مەديتسينالىق قىزمەتتەردىڭ سانى ارتتى- دارىگەر

نۇر- سۇلتان. قازاقپارات - مەملەكەتتىك ساقتاندىرۋ اياسىندا بالالارعا تەگىن قىزمەت كورسەتىلەدى. بۇل تۋرالى باستاپقى دەڭگەيدە مەديتسينالىق كومەك كورسەتەتىن دەنساۋلىق ساقتاۋ ۇيىمدارى بويىنشا باسپا ءسوز تۋرىندا ايتىلدى، دەپ حابارلايدى قازاقپارات ءتىلشىسى.

«№2 قالالىق ەمحانادا 18 جاسقا دەيىنگى 18 مىڭ بالا تىركەلگەن. ونىڭ ىشىندە 15 جاسقا دەيىنگى 16617 بالا، ءبىر جاسقا دەيىنگى 821 بالا بار» ، - دەيدى №2 قالالىق ەمحاناداعى پەدياتريا ءبولىمىنىڭ مەڭگەرۋشىسى التىنگۇل قولقانات قىزى.

بۇل جەردە بالالارعا ۆاكسينا ەگۋ، پروفيلاكتيكالىق تەكسەرىس، ءدارى- دارمەك، تالداۋ جۇمىستارىنىڭ ءبارى م ءا م س اياسىندا تەگىن كورسەتىلەدى.

«1 - قاڭتاردان باستاپ بۇل قىزمەت تۇرلەرىنىڭ قاتارى ۇلعايىپ جاتىر، ياعني بۇدان بىلاي ءبىزدىڭ ەمحانا م ءا م س اياسىندا گورمونداردى تالداۋ، كومپيۋتەرلىك جانە ماگنيتتى- رەزونانستىق توموگرافيا، وڭالتۋ جۇمىستارىن ءوزى جۇرگىزە الادى» ، - دەيدى ول.

بىلتىرعى وسى ۋاقىتپەن سالىستىرعاندا، بيىل اتالعان ەمحاناداعى وڭالتۋ ورتالىعىنان 34 بالا ەم الىپ شىققان.

«بۇل بىلتىرعى وسى ۋاقىتتاعى كورسەتكىشكە قاراعاندا ءۇش ەسە كوپ. بۇرىن سال اۋرۋىنا شالدىققان، داۋن سيندرومى بار، اۋتيست بالالارى بار اتا- انالار ارنايى وڭايتۋ ورتالىقتارىنا باراتىن بولسا، قازىرگى ۋاقىتتا م ءا م س اياسىندا وسى جەردە وڭالتۋ جۇمىستارىنان وتە الادى. سونداي- اق، بىزدە پەدياتريا سالاسىنىڭ ماماندارى م ءا م س ارقىلى تەگىن وقىپ شىقتى. اقپاراتتاندىرۋ سالاسى بويىنشا ءبىزدىڭ مەدبيكەلەر، دارىگەرلەر كۇندەلىكتى وزدەرىنىڭ تىركەلگەن اۋماعىنداعى اتا- انالارمەن اقپاراتتاندىرۋ بويىنشا جۇمىس ىستەپ جاتىر. ولاردىڭ %90 ى تولىق اقپاراتتاندىرىلعان دەپ ايتا الامىز» ، - دەيدى پەدياتريا ءبولىمىنىڭ مەڭگەرۋشىسى.

ەمحانانىڭ باس دارىگەرى اتالعان قىزمەت تۇرلەرىن تەگىن الۋ ءۇشىن اتا- انا نە ىستەۋى كەرەك ەكەنىن ايتتى.

«ءارتۇرلى دەرتتەرىنە بايلانىستى ديسپانسەرلىك ەسەپكە تۇراتىن بالالار بار. وسىنداي وڭالتۋ ورتالىعىنا بارۋ ءۇشىن بالا مەن اناسى ۋچاسكەلىك پەدياتردىڭ جولداماسىن الادى. ودان كەيىن بالا قاي توپقا باراتىنى، جىلىنا نەشە رەت كەلەتىنى انىقتالادى. سوسىن مۋلتيديستسيپلينارلىق توپ قۇرىلادى. ونىڭ قۇرامىنا رەابيليتولوگ، نيەۆروپاتولوگ، پسيحولوگ پەن لوگوپەد كىرەدى. ولار بالاعا وڭالتۋ جۇمىستارىن جۇرگىزۋ ءۇشىن نە كەرەك ەكەنىن، ياعني وڭالتۋ جۇمىستارىنا قاتىستى جەكە جوسپار جاسايدى. كەلەسى قادام - مۋلتيديستسيپلينارلىق توپتىڭ شەشىم قابىلداۋى. شەشىم قابىلدانعاننان كەيىن ناۋقاس بالانىڭ ەرەكشەلىگىنە، قانداي كومەك قاجەت ەكەندىگىنە قاراي ەم ءتۇرى باستالادى. ءبىر كۋرس 1,5-2 ايعا سوزىلادى. ەگەر كۋرستى قايتالاپ ءوتۋ قاجەت بولسا بالا ەكىنشى جارتىجىلدىقتا كەلەدى» ، - دەيدى №2 قالالىق ەمحانانىڭ باس دارىگەرى ءلاززات رۋسپەكوۆا.