الەمدەگى ەڭ ادەمى ەر ادامنىڭ كىم ەكەنى بەلگىلى بولدى

نۇر-سۇلتان. قازاقپارات - ايگىلى بريتاندىق اكتەر روبەرت پاتتينسون الەمدەگى ەڭ ادەمى ادام دەپ تانىلدى. سىرت كەلبەت پارامەترى التىن قاتىناسى پرينتسيپىنە نەگىزدەلگەن.

جۇلدىز باسقا تانىمال اكتەرلەردەن، گەنري كاۆيلل، برەدلي كۋپەر، برەد پيتت جانە دجوردج كلۋنيدەن وزىپ كەتتى.

كوسمەتيكالىق جانە پلاستيكالىق حيرۋرگيا ورتالىعىنىڭ جەتەكشىسى دجۋليان دە سيلۆا التىننىڭ قاتىناسى پرينتسيپىنە نەگىزدەلگەن ەڭ سىمباتتى ادامدى ەسەپتەۋ ءادىسىن ۇسىندى. كومپيۋتەرلىك باعدارلامالاردىڭ كومەگىمەن ول يدەالدى تۇلعالاردى ەسەپتەيدى، دەپ جازادى The Sun.

ونىڭ ەسەپتەۋلەرىنە سايكەس 33 جاستاعى روبەرت پاتتينسوننىڭ پارامەترلەرى %92,15 يدەالعا جاقىن. ونىڭ بەت- الپەتى سيممەتريالى.

ەكىنشى ورىندا «سۋپەرمەن» جانە «ۆەدماكا» جۇلدىزى گەنري كاۆيلل تۇر. ونىڭ پروپورتسيالارى %91,64 دەڭگەيىندە. الەمدەگى ەڭ ادەمى ەرلەردىڭ ۇشتىگىن برەدلي كۋپەر (%91) اياقتادى.

سونداي- اق، ەڭ ادەمى ەرلەر تىزىمىندە برەد پيتت، دجوردج كلۋني، حيۋ دجەكمان، دەۆيد بەكحەم، يدريس ەلبا، كانە ۋەست جانە رايان گوسلينگ بار.

امەريكا قۇراما شتاتتارىنان كەلگەن سۋپەرمودەل بەللا حاديدتىڭ بەت- الپەتى «التىن قاتىناسىنا» جاقىن ەكەنى بەلگىلى بولدى (%94,35) . دە سيلۆا رەيتينگىندە ەكىنشى ورىندى ءانشى بەيونسە (%92,44) ، ال ءۇشىنشى ورىندا - مۇرىنعا جاقىن بولىپ شىققان اكتريسا ەمبەر حەرد تۇردى (%91,85) .