پرەزيدەنت اكىمشىلىگى ەرىكتىلەرى ەڭ بەلسەندى ءتورت ءوڭىردى اتادى
«وڭىرلەردەن كەلگەن ەسەپتەر الەۋمەتتىك ماسەلەلەردى شەشۋدە ەرىكتىلەر جەتكىلىكتى دەڭگەيدە تارتىلماي جاتقانىن كورسەتەدى. ۆولونتەرلەر ازاماتتىق باستامالاردىڭ دامۋىنىڭ، الەۋمەتتىك جاۋاپكەرشىلىك پەن ءپاتريوتيزمدى قالىپتاستىرۋدىڭ فاكتورى سانالادى. قازىرگى تاڭدا جەكە وڭىرلەر عانا قايىرىمدىلىق شارالارىنا بەلسەندى تۇردە ۆولونتەرلەردى تارتىپ وتىر. ول ايماقتار: قىزىلوردا، ماڭعىستاۋ، شىعىس قازاقستان مەن تۇركىستان وبلىستارى» ، - دەدى ول اقوردادا وتكەن جيىندا.
ونىڭ ايتۋىنشا، اقمولا، تۇركىستان، ماڭعىستاۋ وبلىستارىنان، الماتى قالاسىنان باسقا وڭىرلەردىڭ كوبى قازاقستان جازۋشىلار وداعىمەن تاريحتانۋ مەن ايماقتانۋ باعىتتارى بويىنشا كەلىسىمگە كەلمەگەن.
«زامان تالاپتارىن ەسكەرە وتىرىپ، ىسكە قازىرگى كوممۋنيكاتسيالىق ترەندتەردى پايدالانىپ، تانىمال بلوگەرلەردى، حالىق سۇيىكتىلەرىن، قوعامدىق وي كوشباسشىلارىن تارتۋ كەرەك. ماسەلەن، ميلليون جازىلۋشىسى بار ازاماتتار مۇنداي جۇمىسقا تارتىلماعان. سونىمەن قاتار، وڭىرلەردەگى «رۋحاني جاڭعىرۋ» جوبالىق كەڭسەلەرىنىڭ جۇمىسىنا ءوڭىر باسشىلارىنىڭ نازارىن اۋدارتساق دەيمىز. قازىرگى تاڭدا ايماقتىق جوبالىق كەڭسەلەر ك م م، ج ش س تۇرىندە قۇقىقتىق فورمامەن ايقىندالعان. جوبالىق كەڭسەلەردىڭ كوبى جۇمىسىن 2019 -جىلى باستادى. جىلدىڭ سوڭىنا دەيىن ەندى وڭىرلەردە قانداي فورما ءتيىمدى ەكەنىن ايقىنداپ الۋ كەرەك. سونىمەن بىرگە، ول جەردەگى قىزمەتكەرلەردىڭ سانى تۋراسىندا دا بىرىزدىلىك جوق. وڭىرلەردەگى كەڭسەلەردىڭ بىرىندە 4 ادام، ەكىنشىسىندە 26 ادامعا دەيىن جۇمىس ىستەيدى. وڭىرلىك جوبالىق كەڭسەلەرگە باعدارلامانى جۇزەگە اسىرۋدا ۇلكەن جاۋاپكەرشىلىك جۇكتەلىپ وتىر» ، - دەدى ول.
ەسكە سالا كەتسەك، مەملەكەتتىك حاتشى قىرىمبەك كوشەربايەۆتىڭ توراعالىمەن اقوردادا بۇگىن ق ر پرەزيدەنتى جانىنداعى قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانىڭ وتىرىسى وتكىزىلدى.
