سەگىز قازاقستاندىق ۋحان قالاسىنان رەسەي مەن وزبەكستانعا ەۆاكۋاتسيالاندى
«قازاقستاندىق تاراپتىڭ ءوتىنىشى بويىنشا بۇگىن تۇندە قىتايدىڭ ۋحان قالاسىنان رەسەي مەن وزبەكستاننىڭ ارنايى بورتتارىمەن ءبىزدىڭ تاعى 8 ازاماتىمىز قاۋىپسىز جەرگە جەتكىزىلدى.
ءبىزدىڭ بەس ازاماتىمىز تاشكەنت قالاسىندا ەكى اپتالىق دارىگەرلەردىڭ باقىلاۋىندا، ال قالعان ۇشەۋى تۇمەن قالاسىندا قاداعالاۋدا بولادى» ، دەلىنگەن حابارلامادا.
س ءى م باسپا ءسوز قىزمەتىنىڭ مالىمەتىنشە، ەۆاكۋاتسيالانعاندار اراسىندا وسىعان دەيىن ق ح ر- نىڭ ەپيدەميولوگيالىق قىزمەتتەرىمەن دەنە قىزۋى سالدارىنان شىعارىلماعان يانتسزى ۋنيۆەرسيتەتىنىڭ 1 كۋرس ستۋدەنتى بار.
«وتىرعىزۋ الدىندا ق ر ازاماتتارى قوسىمشا مەديتسينالىق تەكسەرۋدەن ءوتىپ، ولاردىڭ اراسىندا دەنە قىزۋى نەمەسە كوروناۆيرۋس سيمپتومدارى بار ادامدار انىقتالعان جوق» ، دەلىنگەن حابارلامادا.
ەسكە سالا كەتسەك، 3 - اقپان كۇنى قازاقستان ۋحان قالاسىنان ءوزىنىڭ 83 ازاماتىن، سونىڭ ىشىندە 80 ستۋدەنتتى ەۆاۋاتسيالاعان بولاتىن.
