قازاقستاندا شەتەلدىك كولىك جۇرگىزۋشىلەرى جازاعا تارتىلا ما: پوليتسيا جاۋاپ بەردى

نۇر-سۇلتان. قازاقپارات - ىشكى ىستەر مينيسترلىگى اكىمشىلىك پوليتسيا كوميتەتى باسشىسىنىڭ ورىنباسارى قازاقستاندا شەتەلدىك كولىك جۇرگىزۋشىلەرىنە سانكتسيا قولدانىلا ما دەگەن سۇراققا جاۋاپ بەردى.

بۇل تۋرالى zakon.kz سايتى حابارلايدى.

پوليتسەيدىڭ سوزىنشە، تەمىر تۇلپار تىزگىندەۋشىلەرگە ەشقانداي سانكتسيا قولدانىلمايدى. سەبەبى، بيلىك ازاماتتارمەن ديالوگ ورناتۋعا ءازىر. كوپشىلىككە اۆتوكولىكتەرىن زاڭداستىرۋعا مۇمكىندىك بەرىلەدى.

ءتارتىپ ساقشىسى مەملەكەت ساياساتىنا سايكەس، ازاماتتارعا مىندەتتى تۇردە قۇقىقتارى مەن مىندەتتەرى ءتۇسىندىرىلۋى ءتيىس دەپ ەسەپتەيدى. سونداي-اق، كولىك جۇرگىزۋشىلەرگە زاڭ بۇزباۋعا مۇمكىندىك بەرىلۋ قاجەت ەكەنىن ايتادى.

«ەگەر ازامات ءوز كولىك قۇرالىن تىركەمەي، پوليتسياعا كورىنۋ ايماعىندا جول ەرەجەسىن بۇزاتىن بولسا، وندا جازا قولدانىلادى. سول كەزدە كولىك قۇرالىن قازاقستاندا تىركەۋ قاجەتتىلىگى ماسەلەسى قاراستىرىلادى»، - دەدى ق ر ءى ءى م اكىمشىلىك پوليتسيا كوميتەتى باسشىسىنىڭ ورىنباسارى.

ول شەتەلىك كولىك جۇرگىزۋشىلەرىن جازالاۋ ماقساتىندا ارنايى رەيدتەر جاسالمايتىنىن دا ءتۇسىندىردى.

ايتا كەتەيىك، قازاقستاندا جاڭا جىلدان باستاپ جول ەرەجەسىن بۇزعاندارعا قاتىستى ايىپپۇل مولشەرى ءوستى.

ايىپپۇلدار سوماسى ايلىق ەسەپتىك كورسەتكىش مولشەرىنە تىكەلەي بايلانىستى. وسى ورايدا، نۇرفين جوباسى جۇرگىزۋشىلەردى، جاياۋ جۇرگىنشىلەر مەن جول قوزعالىسىنىڭ باسقا دا قاتىسۋشىلارىن جاڭارتىلعان ايىپپۇل سومالارىمەن تانىستىردى.

كۇنى كەشە ەلىمىزدە كولىك جۇرگىزۋشىلەرگە جاڭا ايىپپۇل سالىنۋى مۇمكىن ەكەنى بەلگىلى بولدى.