ترامپ ا ق ش كونگرەسىندە مالىمدەمە جاسايدى
ءبىر كۇننەن كەيىن سەناتتا پرەزيدەنتكە يمپيچمەنت جاريالاۋ ءىسى بويىنشا داۋىس بەرۋ باستالادى.
«ناستوياشەە ۆرەميا» ارناسى تىكەلەي ەفيردە حابار تاراتىپ جاتىر:
ساراپشىلار وكىلدەر پالاتاسى تاققان ايىپ بويىنشا ترامپتىڭ اقتالاتىنىنا سەنىمدى. نەگىزگى ماسەلە: ءبىر رەسپۋبليكاشىل بولسىن، يمپيچمەنتتى قولداي ما نەمەسە يمپيچمەنتكە ءبىر دەموكرات قارسى شىعىپ داۋىس بەرە مە؟ ساراپشىلاردى اقتاۋ-اقتاماۋ ماسەلەسىنەن گورى وسى سۇراق كوبىرەك قىزىقتىرادى. كونگرەستىڭ جوعارعى پالاتاسىندا 47 دەموكرات، 53 رەسپۋبليكاشىل بار. پرەزيدەنتتى قىزمەتتەن كەتىرۋ ءۇشىن 67 داۋىس كەرەك.
بولجام بويىنشا، ترامپ بۇگىن ءۇش جىل ىشىندەگى ا ق ش- تىڭ جەتىستىكتەرى تۋرالى ايتپاق. ەكونوميكا مەن قاۋىپسىزدىكتى نىعايتۋ سالاسىنداعى ماسەلەرگە توقتالماق. يرانمەن جانجال جانە ترامپتىڭ جاقىندا ۇسىنعان تاياۋ شىعىستاعى جاعدايدى رەتتەۋ جوسپارى دا ءسوز بولادى.
Gallup ساۋالناماسىنىڭ قورىتىندىسى بويىنشا، ترامپتىڭ ساياساتىن قولدايتىندار سانى 49 پايىزعا جەتكەن.
«ازاتتىق»
