شىعىس قازاقستاندا اپتا سوڭىنا دەيىن كوشكىن ءجۇرۋ قاۋپى ساقتالادى

وسكەمەن. قازاقپارات - شىعىس قازاقستان وبلىسىندا 4-9-اقپان ارالىعىندا قار كوشكىنى ءجۇرۋى مۇمكىن، دەپ حابارلايدى قازاقپارات.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ حابارلاۋىنشا، وڭىردە وسى اپتانىڭ سوڭىنا دەيىن كوشكىن ءجۇرۋ قاۋپى بار. قازىر تاۋلى جەرلەردە قار قالىڭدىعى 1,5 مەتردەن اسادى.

«كۇن جىلىنعاندا تاۋ بوكتەرىندەگى قار ەرىپ، كوشكىن ءجۇرۋى ابدەن مۇمكىن. بۇل اسىرەسە تۇسكى ۋاقىتتا اۋا تەمپەراتۋراسى جىلىعاندا بولۋى ىقتيمال. سوندىقتان تۇرعىندارعا الىس ساپارعا شىقپاۋعا، كوشكىن قاۋپى جوعارى تاۋلى جەرلەرگە بارماۋعا كەڭەس بەرەمىز»، - دەلىنگەن ۆەدومستۆو مالىمەتىندە.

ەستەرىڭىزگە سالا كەتسەك، وسىعان دەيىن شىعىس قازاقستان وبلىسىندا ەكى رەت قار كوشكىنى جۇرگەن بولاتىن.

اۆتور: تالعاتجان مۇحامەتبەك ۇلى