گونكونگتا العاش رەت كوروناۆيرۋستىڭ جاڭا تۇرىنەن ءبىر ادام كوز جۇمدى
ەر ادامنىڭ اناسى دا ۆيرۋستى جۇقتىرعانى بەلگىلى بولدى. قازىر ول ەم قابىلداپ جاتىر، دەپ حابارلايدى «حابار 24».
لاۋ كا- حين، اۋرۋحانا مەكەمەلەرى باسقارماسىنىڭ وكىلى:
- سوڭعى كۇندەرى ناۋقاستىڭ جوتەلى كۇشەيگەن بولاتىن. ءبىراق بۇگىن جاعدايى كۇرت ناشارلاپ كەتتى. ونىڭ جۇرەگى توقتاپ قالدى. دارىگەرلەر ومىرىنە اراشا تۇسپەك بولعانىمەن، وكىنىشكە قاراي قۇتقارا المادى.
سوڭعى اقپار بويىنشا كوروناۆيرۋستىڭ جاڭا ءتۇرى بەلگيادا دا تىركەلگەن ەكەن. تاياۋدا جەرگىلىكتى بيلىك 9 بەلگيالىقتى ۋحاننان وتانىنا جەتكىزگەن بولاتىن. سولاردىڭ بىرەۋىنىڭ ىندەتكە شالدىققانى انىقتالدى. تەست وڭ ناتيجەنى كورسەتكەنىمەن، ناۋقاستا اۋرۋ بەلگىلەرى ازىرگە بايقالماي وتىر.
وسىلايشا، ۆيرۋستى جۇقتىرۋ دەرەكتەرى 20-دان اسا ەلدە تىركەلگەن. 427 ادام كوز جۇمدى. ولاردىڭ 425- ى قۇرلىقتىق قىتايدا اجال قۇشقاندار. ەكى مارقۇمنىڭ ءبىرى فيليپپيندە، ەندى ءبىرى گونكونگتا مەرت بولعان.
www.24.kz
