حالىقارالىق ارەنادا قازاقستاندىق بيزنەستىڭ مۇددەسى قالاي قورعالىپ جاتىر

نۇر- سۇلتان. قازاقپارات - مينيسترلىكتىڭ باستى ميسسياسى - ساۋدا ديپلوماتياسىن قولدانا وتىرىپ، وتاندىق بيزنەستىڭ ۇلتتىق مۇددەلەرىن قورعاۋ.

بۇل تۋرالى ساۋدا جانە ينتەگراتسيا ءمينيسترى باقىت سۇلتانوۆ ايتتى، دەپ حابارلايدى قازاقپارات ءتىلشىسى.

«ساۋدا جاعىنان جولعا قويىلىپ جاتقان ىنتىماقتاستىققا قاراماستان حالىقارالىق ساۋدادا مەملەكەتتەر پروتەكسيونيزم ساياساتىنا باسىمدىق بەرىپ، ءارتۇرلى دارەجەدەگى شەكتەۋ شارالارىن ەنگىزۋگە بەيىم. بۇل باعىتتا ءبىزدىڭ مينيسترلىكتىڭ باستى ميسسياسى - ساۋدا ديپلوماتياسىن قولدانا وتىرىپ، وتاندىق بيزنەستىڭ ۇلتتىق مۇددەلەرىن قورعاۋ. بۇگىنگى تاڭدا ناقتى كەيستەر بارشىلىق. ماسەلەن، رەسەيلىك نارىققا ازىق- تۇلىكتى تاسىمالداۋدا كەدەرگىلەر جويىلدى («زەنچەنكو ي ك» ج ش س، «J. F. M. Company» ج ش س جانە «ايسبەرگ پۆ» ج ش س ونىمدەرىن تاسىمالداۋعا قويىلعان شەكتەۋدى الىپ تاستاۋ) . سول سەكىلدى قازاقستاندىق كومىردى ۋكرايناعا جەتكىزۋدە كەدەرگىلەر ەڭسەرىلىپ، ەكسپورت كولەمىن 40 پايىزعا ارتتىرۋعا مۇمكىندىك تۋدى» ، - دەدى باقىت سۇلتانوۆ اتالعان مينيسترلىكتىڭ كەڭەيتىلگەن وتىرىسىندا.

سونىمەن قاتار، ساۋدا جانە ينتەگراتسيا مينيسترلىگى مەملەكەتتىك ورگاندارمەن بىرلەسكەن جۇمىستى كۇشەيتىپ، وسىنىڭ ارقاسىندا ا ق ش قازاقستاندىق ۋراندى جەتكىزۋگە قويىلعان كۆوتانى الىپ تاستاعان.

«ەكى جىلدىق تالقىلاۋدان كەيىن ەاەو اۋماعى بويىنشا كەدەندىك پوشلينا سوماسىن ءبولۋدىڭ نورماتيۆتى مولشەرى بويىنشا مامىلەگە كەلدىك. ياعني، حالىقارالىق ارەنادا قازاقستاننىڭ مۇددەسىن قورعاۋ جۇمىسى جالعاسىن تابادى» ، - دەدى ول.