قىتاي دارىگەرلەرى كوروناۆيرۋسقا شالدىققان ادامنىڭ وكپەسى قانداي بولاتىنىن كورسەتتى

نۇر-سۇلتان. قازاقپارات - قىتاي دارىگەرلەرى كوروناۆيرۋسقا شالدىققان ادامنىڭ وكپەسى قانداي بولاتىنىن كورسەتتى. 33 جاستاعى ناۋقاستىڭ وكپەسىندەگى وزگەرىستەر كومپيۋتەرلىك توموگرافيا ارقىلى زەردەلەنگەن.

كەلىنشەك 5 كۇن ۇزدىكسىز جوتەلىپ، دەنساۋلىعى ناشارلاي بەرگەن سوڭ اق حالاتتىلاردىڭ كومەگىنە جۇگىنگەن. ول ىندەتتىڭ وشاعى سانالاتىن ۋحان قالاسىندا جۇمىس ىستەپتى. 1-سۋرەتتە وكپەدە اق ءتۇستى داقتار بايقالسا، بىرنەشە تاۋلىك وتكەننەن كەيىن (2-سۋرەت) ول ۇلعايىپ اعزانىڭ وزگە ساۋ بولىكتەرىن زاقىمداي باستاعانى اڭعارىلادى.

ايتا كەتەيىك، كوروناۆيرۋستىڭ جاڭا تۇرىمەن اۋىرۋ دەرەگى العاش جەلتوقسان ايىنىڭ سوڭىندا ۋحاندا تىركەلدى. «بۇل دەرتتىڭ بەلگىلەرى تۇماۋ مەن سۋىق تيۋگە ۇقساس كەلەدى»، - دەيدى ماماندار. ياعني، باسى اۋىرىپ، جۇرەگى اينيدى. دەنە قىزۋى كوتەرىلىپ، جوتەل قىسادى.

www.24.kz