دۇنيەجۇزىلىك دەنساۋلىق ساقتاۋ ۇيىمى كوروناۆيرۋس تۋرالى جالعان اقپاراتقا قارسى كۇرەسەدى
د د س ۇ اۋرۋ تۋرالى فەيك جاڭالىقتاردىڭ تارالۋىن بولدىرماۋ ءۇشىن ءىرى الەۋمەتتىك جەلىلەرمەن سەرىكتەستىك ورناتاتىنىن مالىمدەدى.
كوپتەگەن ەلدەر ۆيرۋسپەن كۇرەسىپ جاتىر، ءبىراق وعان جاھاندىق بايلانىس پەن اقپارات الماسۋ جەتىسپەيدى.
زەرتتەۋ ناتيجەلەرى جاڭا شتامنىڭ مۋتاتسيا ناتيجەسىندە ادامعا جانۋاردان جۇققانىن كورسەتتى.
«كوروناۆيرۋس ادامعا جارقاناتتان جۇقتى. ادامدا بىردەن ەپيدەميا تۋىندادى. ول جارقاناتتان قالاي بەرىلدى؟ بۇل ۇلكەن گەنومنىڭ بولىگىندەگى ءبىر پروتەيندەگى جالعىز وزگەرىس، ءبىر عانا مۋتاتسيا ارقىلى بولدى»، - دەدى ەپيدەميولوگ ماسسيمو چيككوتستسي.
سوعان قاراماستان كوروناۆيرۋستىڭ ادامنان ادامعا جۇعۋ جىلدامدىعى سالىستىرمالى تۇردە جوعارى ەمەس. دارىگەرلەردىڭ پىكىرىنشە دەر كەزىندە قاجەتتى شارالاردى جۇزەگە اسىرسا ەپيدەميانىڭ ەۋروپا بولىگىندە تارالماۋىنا مۇمكىندىك بار.
ەسكە سالا كەتسەك، وتكەن اپتادا دۇنيەجۇزىلىك دەنساۋلىق ساقتاۋ ۇيىمى كوروناۆيرۋستىڭ تارالۋىن جاھاندىق توتەنشە جاعداي دەپ جاريالادى.
