كوروناۆيرۋس: بەيجىڭ - بوس قالعان مەگاپوليس

بەيجىڭ. قازاقپارات - قىتاي مەن ونىڭ اينالاسىنا تاراعان كوروناۆيرۋس ىندەتى اي كۇنتىزبەسى بويىنشا جاڭاجىلدىق دەمالىس كۇندەرىنە تۇسپا-تۇس كەلدى، دەپ حابارلايدى قازاقپارات ءتىلشىسى.

الدىمەن، بەيجىڭ قالاسىنىڭ اكىمشىلىگى ەپيدەميولوگيالىق جاعدايعا بايلانىستى رەسمي دەمالىس كۇندەرىن ءۇش كۇنگە – 3- اقپانعا دەيىن ۇزارتتى، كەيىنىرەك كاسىپورىندار ءۇشىن جاڭاجىلدىق دەمالىستى 10- اقپانعا دەيىن ۇزارتۋدى ۇيعاردى. قىتاي استاناسىندا كوروناۆيرۋستىڭ جاڭا ءتۇرىنىڭ تارالۋىنا بايلانىستى توتەنشە جاعدايدىڭ ەڭ جوعارى «ءبىرىنشى» دەڭگەيى جاريالاندى.

قىتايلار ءۇشىن بۇل جاڭا جىل - وتباسىلىق مەرەكە بولىپ سانالادى، ادەتتە ولار جاقىن ادامدارىمەن بىرگە قوناقتارعا، جاڭاجىلدىق جارمەڭكەلەرگە، ساۋدا ورتالىقتارىنا جانە تۋريستىك ورىندارعا بارادى.

الايدا، بيىلعى كوكتەم مەرەكەسى (چۋنتسزە) بەيجىڭ تۇرعىندارى مەن قوناقتارى ءۇشىن ايرىقشا بولدى. كوروناۆيرۋستىق ىندەت تارالۋىنىڭ الدىن الۋ ءۇشىن بەيجىڭنىڭ نەگىزگى كورنەكى ورىندارى، مۋزەيلەرى مەن موناستىرلارى جابىلدى. ويىن-ساۋىق ورىندارى مەن مەيرامحانالاردىڭ كوپشىلىگى جۇمىس ىستەمەيدى. بارلىق بۇقارالىق مادەني-ساۋىق شارالارى، اتاپ ايتقاندا، جاڭاجىلدىق جارمەڭكەلەر، كينو پرەمەرالارى جانە سپورتتىق جارىستار توقتاتىلدى.

تەمىرجول ۆوكزالدارىندا، اۋەجايلار مەن مەترودا جولاۋشىلاردى سانيتارلىق باقىلاۋ شارالارى كۇشەيتىلدى.

بۇگىندە بەيجىڭ - داڭعىلدارى، ساياباقتارى، تۋريستىك كوشەلەرى مەن مەتروسى بوس قالعان مەگاپوليس.

تسيانمەندەگى جاياۋ جۇرگىنشىلەر كوشەسى - بەيجىڭنىڭ ايگىلى تۋريستىك ماقتانىشتارىنىڭ ءبىرى.

گوماو ىسكەرلىك اۋدانى جانە گوماو مەتروستانتسياسىنا كىرۋ.

ۆانفۋتسزين - بەيجىڭدەگى تانىمال ساۋدا كوشەلەرىنىڭ ءبىرى.

تىيىم سالىنعان «گۋگۋن» قالاسىنىڭ سولتۇستىك قاقپاسى. يۋنەسكونىڭ ادامزاتتىڭ مادەني مۇراسى تىزىمىنە ەنگەن مۋزەي كەشەنىنە جىل سايىن 7 ميلليونعا جۋىق تۋريست كەلەدى.

شەتەلدىكتەر اراسىندا تانىمال اۋدان - سانليتۋن. كوپتەگەن بارلار مەن دۇكەندەر توپتاستىرىلعان ورىن.

«سيدان» ساۋدا اۋدانى - شوپپينگ جاساۋشىلاردىڭ سۇيىكتى ورنى.

مەديتسينالىق بەتپەردەلەر ەڭ قاجەتتى زاتقا اينالدى. بەيجىڭ ءدارىحانالارىنىڭ كوپشىلىگىندە «بەرپەردەلەر ساتىلىمدا جوق» حابارلاماسى ىلىنگەن.

بەيجىڭدە ازىق-تۇلىك تاپشىلىعى جوق، سۋپەرماركەتتەر مەن شاعىن ازىق-تۇلىك دۇكەندەرى جۇمىس ىستەيدى. ەل استاناسى بيلىگىنىڭ شەشىمىمەن، قالانى سۋمەن، ەلەكترمەن، گازبەن، كوممۋنيكاتسيامەن، كولىكپەن جانە تاعاممەن قامتاماسىز ەتەتىن ۇيىمدار قالىپتى رەجىمدە جۇمىس ىستەۋى كەرەك. الايدا كوپتەگەن بەيجىڭ تۇرعىندارى بولاشاقتا پايدالانۋ ءۇشىن ازىق-تۇلىكتى مولىنان ساتىپ الادى.

بەيجىڭ مەتروسىنىڭ وتكەلدەرى مەن ستانتسيالارىنىڭ ءبىرى.

بەيجىڭنىڭ جەراستى جولى. جارتىلاي بوس مەترو ۆاگونى.

بەيجىڭ كوشەلەرىنىڭ بىرىندە جەرگىلىكتى تۇرعىن قىتاي گيمناستيكاسىمەن اينالىسۋدا.

سوڭعى دەەركتەرگە سايكەس، بەيجىڭدە 212 ناۋقاستىڭ ۆيرۋس جۇقتىرعانى راستالدى، ولاردىڭ بىرەۋى كوز جۇمدى. ون ەكى ادام اۋرۋحانادان شىعارىلدى.

قازىر بەيجىڭ قالىپتى جۇمىس كۇندەرىنىڭ باستالۋىنا جانە جاڭا جىل مەرەكەلەرىنەن كەيىنگى تۇرعىنداردىڭ ادەتتەگى رەجيمگە ورالۋىنا دايىندالىپ جاتىر. كۇن سايىن بارلىق قوعامدىق ورىندار - ليفتتەر، باسپالداقتار جانە الاڭدار دەزينفەكتسيالانادى. كەڭسە عيماراتتارىندا جانە تۇرعىن ءۇي اۋلالارىنىڭ كىرەبەرىستەرىندە تەمپەراتۋرا ولشەنەدى. تاعى ءبىر جاڭالىق - بەيجىڭ مەتروسىندا مىندەتتى تۇردە قورعانىس ماسكالارىن كيۋ. ماسكا كيۋدەن باس تارتقاندار مەتروعا كىرگىزىلمەيدى.