09:54, 04 - اقپان 2020 | GMT +5
تايلاند كوروناۆيرۋسقا قارسى ۆاكسينا تابىلعانىن جاريالادى
نۇر-سۇلتان. قازاقپارات - تايلاند كورولدىگىنىڭ بيلىگى قىتايلىق جاڭا كوروناۆيرۋسقا قارسى ۆاكسينا تابىلعانىن ءمالىم ەتتى، دەپ حابارلايدى قازاقپارات ءتىلشىسى.
ولاردىڭ مالىمەتىنشە، 71 جاستاعى ناۋقاس تايلاندتاعى اۋرۋحانادا ەمدەلگەننەن كەيىن جازىلا باستاعان. ەمدەۋ بارىسىندا وعان جيتس پەن تۇماۋ كەزىندە قولدانىلاتىن دارىلەردەن جاسالعان كوكتەيل بەرگەن.
ايەل دارىلەردى قابىلداعاننان كەيىن 48 ساعات وتكەن سوڭ ۋحانداعى ۆيرۋسقا تاپسىرعان سىنامادان اۋرۋ بەلگىلەرى تابىلماعان. ونىڭ جاعدايى ايتارلىقتاي جاقسارعان. قازىرگى تاڭدا ول اۋرۋحانا توسەك-ورنىنان ءوزى تۇرىپ، وتىرا الادى.
قازىرگى ۋاقىتتا تايلاندتا جاڭا ۆيرۋس جۇقتىرعاندار سانى 19 ادامعا جەتكەن.
