قىزىلوردادا قوبىزشىلار ءانسامبلى قۇرىلدى
بۇل شارا قورقىت مۇرالارىن ناسيحاتتاۋعا ارنالعان 5 جىلدىق كەشەندى ءىس-شارالار جوسپارى اياسىندا قولعا الىنعان. انسامبل قىزىلوردا وبلىستىق فيلارمونياسىن جانىنان قۇرىلدى.
بيىلعى جىلدىڭ قاڭتار ايىندا وبلىستىق فيلارمونياسى كوركەمدىك كەڭەسىنىڭ تىڭداۋى وتكىزىلدى. انسامبل اقپان ايىنىڭ العاشقى كۇنىنەن ءوز جۇمىسىن باستاپ كەتتى. ءانسامبلدىڭ كوركەمدىك جەتەكشىسى - «مادەنيەت سالاسىنىڭ ۇزدىگى» توسبەلگىسىنىڭ يەگەرى، قوبىزشى سالتانات پۇسىرمانوۆا.
بۇل جونىندە تۇرماعامبەت اتىنداعى حالىق اسپاپتارى وركەسترىنىڭ جانە اقمەشىت فولكلورلىق ەتنوگرافيالىق ءانسامبلىنىڭ ءارتىسى توقتار اعىرايەۆ بىلتىر وبلىس اكىمىنىڭ بلوگىنا «سىر وڭىرىندە قوبىز ۇيىرمەسى اشىلسا» دەگەن ساۋال جولداعان ەدى. وعان ءتيىستى جاۋاپ قايتارىلعان. بۇگىنگى تاڭدا قىزىلوردا قالاسى مەن وبلىستىڭ بارلىق اۋدانىندا قوبىز ۇيىرمەلەرى جۇمىس ىستەپ كەلەدى. سىر ءوڭىرىنىڭ اۋداندىق مادەنيەت ۇيلەرى مەن كلۋب كاسىپورىندارىندا بارلىعى 14 قوبىز ۇيىرمەسى جاس ورەندەرگە ءتالىم بەرىپ وتىر.
سونداي-اق، الداعى ۋاقىتتا سىر وڭىرىندە قوبىز كۇنىن اتاپ ءوتۋ جوسپارلانىپ وتىر.
ول جونىندە ءتيىستى ءىس-شارالار قولعا الىنۋدا.
