كوروناۆيرۋستەن جازىلعاندار سانى ارتىپ كەلەدى - جانداربەك بەكشين

نۇر- سۇلتان. قازاقپارات – ق ر باس سانيتارلىق دارىگەرى جانداربەك بەكشين كوروناۆيرۋس ىندەتى بويىنشا الەمدىك ستاتيستيكانى جاريالادى، دەپ حابارلايدى قازاقپارات.

«دۇنيەجۇزىندە بۇگىن تۇسكە دەيىن ۆيرۋس جۇقتىرعاندار سانى 17459 ادامعا جەتتى. ودان 362 ادام قايتىس بولدى جانە 483 ادام تولىق جازىلىپ شىقتى. ولىمگە اكەپ سوققان 96 پايىز وقيعا اۋرۋدىڭ وشاعى بولعان حۋبەي پروۆينتسياسىندا تىركەلگەن» ، - دەدى جانداربەك بەكشين قازمەديا ورتالىعىندا وتكەن بريفينگتە.

ونىڭ ايتۋىنشا، الەم بويىنشا اۋرۋدى جۇقتىرعانداردىڭ 98,9 پايىزى - قىتاي تۇرعىندارى.

«بۇدان ءۇش قورىتىندى جاساۋعا بولادى: بىرىنشىدەن، ينفەكتسيانىڭ تارالۋى جالعاسۋدا، ءبىراق ەڭ الدىمەن حۋبەي پروۆينسياسىنداعى ۋحان قالاسىندا تولىق جازىلعاندار سانى قايتىس بولعاندار سانىنان اسىپ ءتۇستى. بۇل ءبىزدى قۋانتادى. ۇشىنشىدەن، دۇنيەجۇزىلىك دەنساۋلىق مالىمدەمەسىنە سايكەس، قىتاي ۇكىمەتى ەپيدەميانى نەگىزى ايماقتا عانا وقشاۋلاۋى كەرەك» ، - دەدى باس سانيتارلىق دارىگەر.

بۇعان دەيىن باس سانيتارلىق دارىگەر ۋحان قالاسىنان ەۆاكۋاتسيالانعان ازاماتتاردىڭ جاعدايى تۋرالى ايتىپ بەرگەن ەدى.

سونداي- اق، 4 - اقپاننان باستاپ، قازاقستان مەن قىتاي اراسىنداعى اۋە قاتىناسى توقتايدى.