ۋحاننان ەۆاكۋاتسيالانعان قازاقستاندىقتاردان كوروناۆيرۋس تابىلمادى - جانداربەك بەكشين

نۇر- سۇلتان. قازاقپارات – ق ر باس سانيتارلىق دارىگەرى جانداربەك بەكشين ۋحان قالاسىنان ەۆاكۋاتسيالانعان ازاماتتاردىڭ جاعدايى تۋرالى ايتتى، دەپ حابارلايدى قازاقپارات.

«كەشە ۋحان قالاسىنان 89 ادام ەۆاكۋاتسيالاندى. ولاردىڭ اراسىندا 83 قازاقستاندىق (ولاردىڭ 80- ءى ستۋدەنت)، 5 بەلارۋس ازاماتى جانە ءبىر ارمەنيا ازاماتى بار. ولاردىڭ بارلىعىنان سىناما الىندى، جاعدايلارى قاناعاتتانارلىق. دەنە قىزۋى قالىپتى، شاعىم جوق. كەلگەندەردىڭ ەشقايسىنىنان كوروناۆيرۋس تابىلمادى. بۇل زەرتحانالىق تۇردە دالەلدەندى. سوعان قاراماستان، ولاردى بارلىعى 14 كۇن كارانتيندە بولادى»، - دەدى ج. بەكشين قازمەديا ورتالىعىندا وتكەن بريفينگتە.

ايتا كەتەيىك، 2020 -جىلدىڭ 2 - اقپانىندا ق ر د س م ۇلتتىق شۇعىل مەديتسينا ۇيلەستىرۋ ورتالىعى ق ح ر ۋحان قالاسىندا جۇرگەن 83 قازاقستاندىقتى، ونىڭ ىشىندە 80 ستۋدەنتتى ەلگە جەتكىزدى.

ولار ەلوردادان 7 شاقىرىم جەردە ورنالاسقان كوپبەيىندى اۋرۋحانا جانىنداعى ينفەكسياعا قارسى ارنايى بولىنگەن كورپۋستا 14 كۇندىك كارانتينگە جاتقىزىلدى.

اۆتور: ايجان سەرىكجان قىزى