16:06, 03 - اقپان 2020 | GMT +5
قاراعاندى جانە تاراز قالالارىندا تەرروريستىك توپتىڭ مۇشەلەرى ۇستالدى
نۇر- سۇلتان. قازاقپارات - ۇلتتىق قاۋىپسىزدىك كوميتەتى قاراعاندى جانە تاراز قالالارىندا تەرروريزم كۇدىگىمەن دەسترۋكتيۆتى ءدىني اعىمدى ۇستاناتىن 5 ادامدى ۇستاپ، سوت سانكسياسىمەن 2 اي مەرزىمگە قاماۋعا الدى، دەپ حابارلايدى قازاقپارات كوميتەتكە سىلتەمە جاساپ.
ولاردىڭ بارلىعى اۋىر جانە اسا اۋىر قىلمىس جاساعانى ءۇشىن بۇرىن سوتتالعان.
«ولارعا قاتىستى تەرروريستىك توپ قۇرۋ، وعان باسشىلىق جاساۋ جانە ونىڭ ارەكەتىنە قاتىسۋ (ق ر ق ك 257-بابى)، سونداي- اق تەرروريزمدى ناسيحاتتاۋ (ق ر ق ك 256-بابى) فاكتىلەرى بويىنشا قىلمىستىق ءىس قوزعالدى» دەلىنگەن حابارلامادا.
تەرگەۋ نۇسقاسىنا سايكەس، اتالعان توپ رەسپۋبليكا اۋماعىندا، ونىڭ ىشىندە ادامدار كوپ شوعىرلاناتىن جەرلەردە تەرروريستىك اكتى جاساۋ ماقساتىندا قۇرىلعان.
تەرگەۋ جالعاسۋدا.
