مايك پومپەو: كەلىسسوزدەر قازاقستان مەن ا ق ش قارىم- قاتىناسىنىڭ بولاشاعى جارقىن بولاتىنىن كورسەتتى

نۇر- سۇلتان. قازاقپارات – ا ق ش- تىڭ مەملەكەتتىك حاتشىسى قازاقستانمەن ارىپتەستىكتىڭ باستى باعىتتارى تۋرالى ايتتى، دەپ حابارلايدى قازاقپارات ءتىلشىسى.

مەملەكەتتىك حاتشىنىڭ ايتۋىنشا، ا ق ش قازاقستاننىڭ ىسكەرلىك دوسى بولعانىن جانە سولاي بولىپ قالاتىنىن ايتتى. «قازاقستان تاۋەلسىزدىك العالى ا ق ش- پەن يادرولىق قارۋدى تاراتپاۋ جانە يادرولىق قاۋىپسىزدىككە قاتىستى سۇراقتار بويىنشا تىعىز جۇمىس ىستەۋدە. 2018 -جىلى ا ق ش پرەزيدەنتى دونالد ترامپ ق ر تۇڭعىش پرەزيدەنتى - ەلباسىن قابىلدادى. ءبىزدىڭ كەلىسسوزدەر ەكى ەلدىڭ بولاشاعى جارقىن بولاتىنىن تاعى ءبىر ايقىنداپ وتىر. مەن مەملەكەت باسشىسى مەن ق ر تۇڭعىش پرەزيدەنتىمەن بولاتىن بۇگىنگى كەزدەسۋدى اسىعا كۇتۋدەمىن. پرەزيدەنت توقايەۆ دەموكراتيانىڭ ەكونوميكالىق دامۋىن نىعايتۋعا باعىتتالعان باعدارلامالىق رەفورمالارى تۋرالى، سونداي- اق قوعامنىڭ ۇكىمەتكە دەگەن سەنىمىن نىعايتۋ تۋرالى باياندادى. ءبىز بۇل قادامداردى قولدايمىز» ، - دەدى مايك پومپەو.

سونداي- اق، ول قازاقستان قاي مەملەكەتتەرمەن ىسكەرلىك قارىم- قاتىناستا بولۋدى كەرەكتىگى تۋرالى تاڭداۋ مۇمكىندىگىن تولىق قولدايتىندارىن ايتتى. «مەن امەريكالىق كومپانيالارمەن سەرىكتەس بولۋ كەز كەلگەن مەملەكەت ءۇشىن جاقسى ناتيجە كورسەتەتىنىنە سەنىمدىمىن. بۇل وتە جاقسى كەلىسىمدەر، ولار جۇمىس ورىندارىن اشادى. كەلىسىمدەردىڭ اشىقتىعى جانە جۇمىس ساپاسىن قامتاماسىز ەتۋ - امەريكالىق جۇيە ءدال وسىلاي جۇمىس ىستەيدى» ، - دەيدى ا ق ش- تىڭ مەملەكەتتىك حاتشىسى.