جاپونيادا دونوردىڭ جۇرەگىن الىپ بارا جاتقان تىكۇشاق اپاتقا ۇشىرادى

فۋكۋسيما. قازاقپارات - فۋكۋسيما پرەفەكتۋراسىندا ترانسپلانتاتسيا دونوردىڭ جۇرەگىن الىپ بارا جاتقان پوليسيا تىكۇشاعى سەنبى كۇنى جاپونيانىڭ سولتۇستىك- شىعىس پرەفەكتۋراسىندا قونار كەزدە اپاتقا ۇشىرادى.

بورتتاعى جەتى ادام دا زارداپ شەكتى، دەپ حابارلايدى قازاقپارات.

ترانسپلانتاتسيا ءۇشىن جۇرەك الىپ بارا جاتقان تىكۇشاق كورياما قالاسىندا كۇرىش القابىنا قۇلادى. بورتتا ءۇش پوليسەي، ەكى مەدقىزمەتكەر جانە ەكى تەحقىزمەتكەر بولعان، دەپ حابارلايدى Kyodo. پوليسيانىڭ مالىمەتىنشە، مەديتسينا قىزمەتكەرلەرىنىڭ ءبىرى اۋىر جاراقات العان. دەگەنمەن جاراقاتى ومىرىنە قاۋىپ ءتوندىرىپ تۇرعان جوق. جۇرەك سەنبى كۇنى فۋكۋسيماداعى اۋرۋحانالاردىڭ بىرىندە 50 جاستاعى ەر ادامنان الىنعان ەدى. جۇرەك اۋىستىرۋ بويىنشا جوسپارلانعان وپەراتسيا توقتاتىلدى. سەبەبى، دونورلىق ورگاندار تەك قىسقا ۋاقىتقا ساقتالادى. فۋكۋسيما مەتەورولوگيالىق باسقارماسى كوريامەدەگى قاتتى جەلگە بايلانىستى ەسكەرتۋ جاريالاعان ەدى. اپات اساكاناگاموري ستانساسىنان باتىسقا قاراي 12 شاقىرىمدا بولعان. AgustaWestland AW139 تىكۇشاعىنىڭ قۇيرىعى مەن قالاعى سوعىلعان كەزدە ءبولىنىپ قالعان. وڭىرلىك قۇتقارۋشىلار قاۋىمداستىعى تاڭعى ساعات 8:10 دا اپاتتىق قىزمەتتىڭ شاقىرىلعانىن حابارلادى. وقيعا ورنىنا جاقىن عيمارات 200 مەتر قاشىقتىقتا بولعان.