قازاقستاندا مەديتسينالىق ماسكا جەتكىلىكتى – مينيستر
«ماسكا قاجەتتىلىگى بار. دەسە دە، بىزدە قاۋىپ جوق. الايدا سۇرانىس بار، وكىنىشكە قاراي، كوڭىلدە الاڭ باسىم. ماسكا جاپپاي ساتىپ الىنعاننان كەيىن تاپشىلىق تۋدىرادى. جالپى، وتاندىق وندىرۋشىلەردىڭ قازاقستاندا شىعارىپ وتىرعان ماسكاسى جەتكىلىكتى. بىزدە جىل سايىنعى تۇتىنۋ كولەمىنەن ەكى ەسە كوپ مولشەردە ماسكا بار. سونىمەن قاتار، قاجەت بولعان جاعدايدا ءبىز باسقا ەلدەردەن ماسكا اكەلۋ جونىندە كەلىسسوز جۇرگىزۋدەمىز. ءبىز بۇكىل حالىقتى قاجەتتى ماسكامەن قامتاماسىز ەتەمىز» ، - دەدى مينيستر و ك ق- دا وتكەن باسپا ءسوز ءماسليحاتىندا.
سونداي- اق مينيستر قازاقستاندا قازىرگى تاڭدا كوروناۆيرۋس ينفەكسياسىن جۇقتىرۋ جاعدايى تىركەلمەگەنىن جەتكىزدى. ەلجان ءبىرتانوۆ قازاقستاندىقتاردى الدىن الۋ شاراسىنا باسا ءمان بەرۋگە شاقىردى. «مەن ازاماتتارىمىزعا مىنانى ايتقىم كەلەدى: بۇگىنگى كۇنى كوروناۆيرۋس ينفەكسياسىنا قاتىستى جاعداي ۇكىمەت پەن دەنساۋلىق ساقتاۋ مينيسترلىگىنىڭ ءجىتى باقىلاۋىندا. ءبىز بارلىق وزگەرىستەر تۋرالى دا ۋاقتىلى حابارلاپ وتىراتىن بولامىز. جالپى، الدىن الۋ شارالارى كۇشەيتىلگەن. بۇگىندە ءبىز جالپى رەسپيراتورلىق ينفەكتسيالار كەزەڭىندە تۇرمىز. ۆيرۋستىق ينفەكتسيالاردىڭ الدىن الۋ ءۇشىن، جالپى گيگيەنا بويىنشا ستاندارتتى شارالار قابىلداۋ كەرەك» ، - دەدى مينيستر.
