داتچيك تاعىلعان قازاقستانداعى جالعىز انالىق قاسقىر ناۋىرزىم قورىعىن مەكەندەيدى
ون كۇن ىشىندە قاسقىرلار ءجۇرۋى مۇمكىن جەرلەر زەرتتەلدى، فوتوتۇزاقتار تەكسەرىلىپ، جاڭالارى ورناتىلدى. قورىق ينسپەكتورلارى بەرگەن اقپاراتتارعا جانە قاسقىرعا ورناتىلعان سپۋتنيكتىك قۇرال مالىمەتتەرىنە سۇيەنە وتىرىپ، ماماندار ەكى جەردەن بۇلاننىڭ انالىعى مەن اتالىعىنىڭ قالدىقتارىن تاپتى. اينالاداعى ىزدەرگە قاراعاندا قاسقىرلار مۇندا ارا- تۇرا كەلىپ تۇرعان. ال جاقىندا عانا ولتىرىلگەن حايۋانداردىڭ قالدىقتارى ماڭىنداعى ىزدەر ءاربىر قاسقىردىڭ قوزعالىس تراەكتورياسىن جاساۋعا مۇمكىندىك بەردى. سونداي- اق قاسقىرلاردىڭ قان تامعان ىزدەرى تابىلعان. بۇل، قار مەن جاڭبىردان كەيىن پايدا بولعان قاتقاق جانۋارلاردىڭ تابانىن جاراقاتتاعانىن بىلدىرەدى.
«ناۋىرزىم قورىعىنداعى قاسقىرلاردىڭ پوپۋلياتسياسىن زەرتتەۋدى جالعاستىرامىز. اتالعان جۇمىس قاسقىر بويىنشا جوبا اياسىندا «التىن دالا» حالىقارالىق تابيعاتتى قورعاۋ باستاماسى شەڭبەرىندە جۇرگىزىلۋدە» ، - دەلىنگەن ق ب س ق جازباسىندا.
