رەسەيدە كوروناۆيرۋس جۇقتىرۋعا قاتىستى العاشقى ەكى وقيعا انىقتالدى

ماسكەۋ. تاسس- قازاقپارات - رەسەي اۋماعىندا كوروناۆيرۋس جۇقتىرعان ەكى ادام انىقتالدى. ەكەۋى دە قىتايلىق. بۇل تۋرالى ر ف ۆيتسە- پرەمەرى، رەسەي اۋماعىندا جاڭا كوروناۆيرۋستىق ينفەكسيانىڭ اكەلىنۋى مەن تارالۋىنىڭ الدىن الۋ جونىندەگى شتاب ءتورايىمى تاتيانا گوليكوۆا ءمالىم ەتتى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.

«رەسەيدىڭ تۇتىنۋشىلاردىڭ قۇقىقتارىن قورعاۋ جانە ادامنىڭ ءال - اۋقاتىن قورعاۋ سالاسىنداعى قاداعالاۋ قىزمەتىنىڭ قىزمەتكەرلەرى ر ف اۋماعىندا كوروناۆيرۋستىڭ جاڭا ينفەكسياسىن جۇقتىرعان زابايكالە ولكەسىندە جانە تۇمەن وبلىسىندا ەكى ناۋقاستى انىقتادى. ولار قاتاڭ باقىلاۋدا، وقشاۋلانعان، ولارعا قاجەتتى كومەك كورسەتىلۋدە. ەكەۋى دە قىتاي ازاماتى»، - دەدى شتاب ءتورايىمى.

2019 -جىلدىڭ 31 - جەلتوقسانىندا قىتاي دۇنيەجۇزىلىك دەنساۋلىق ساقتاۋ ۇيىمىنا (د د س ۇ) 11 ميلليوننان استام حالقى بار ءىرى ساۋدا- ونەركاسىپ ورتالىعى ۋحان قالاسىندا بەلگىسىز پنيەۆمونيا شىققانى تۋرالى حابارلادى.

اتالعان ۆيرۋس ق ح ر- دان باسقا 21 ەلدە، ونىڭ ىشىندە ر ف- دا انىقتالعان. د د س ۇ قىتايداعى ىندەتتى حالىقارالىق دەڭگەيدەگى توتەنشە جاعداي دەپ تانىدى. قازىرگى ۋاقىتتا قىتايدا جاڭا كوروناۆيرۋستى جۇقتىرعانداردىڭ جالپى سانى 9800-دەن استى، ودان 200-دەن استام ادام كوز جۇمدى.