17:10, 31 - قاڭتار 2020 | GMT +5
كوروناۆيرۋس يتالياعا جەتتى
نۇر-سۇلتان. قازاقپارات - يتاليادا كورونوۆيرۋسپەن اۋىرعان ەكى ادام تىركەلدى. بۇل تۋرالى يتاليانىڭ پرەمەر- ءمينيسترى دجۋزەپپە كونتە مالىمدەدى.
اۋرۋدى جۇقتىرعاندار - ەكى قىتايلىق ازامات. ەكى تۋريست بىرنەشە كۇن بۇرىن يتالياعا ساپار شەگىپ كەلىپتى.
«ءبىز ولاردى باسقالاردان الشاقتاتۋ ءۇشىن بار كۇش جۇمسادىق»، - دەدى كونتە.
ەكى ناۋقاس تىركەلگەننەن كەيىن يتاليا قىتايمەن اراداعى اۋە بايلانىسىن توقتاتۋ تۋرالى شەشىم شىعارعان.
ەسكە سالايىق بۇعان دەيىن، اۋرۋ ءۇندىستان مەن فينليانديادا تابىلعانى ايتىلعان ەدى. دۇنيەجۇزىلىك دەنساۋلىق ساقتاۋ ۇيىمى كوروناۆيرۋستىڭ تارالۋىن حالىقارالىق احۋال دەپ اتاپ توتەنشە جاعداي جاريالادى. اتالعان ىندەت 221 ادامنىڭ ءومىرىن قيىپ ۇلگەرىپتى.
