ابايەۆ: پرەزيدەنت ۇكىمەت جۇمىسىن قايتا فورماتتاۋدى تاپسىردى

نۇر-سۇلتان. قازاقپارات - ۇكىمەتتىڭ كەڭەيتىلگەن وتىرىسىندا ونىڭ جۇمىسىن قايتا فورماتتاۋ تاپسىرىلدى.

ق ر اقپارات جانە قوعامدىق دامۋ ءمينيسترى داۋرەن ابايەۆ «اشىق ديالوگ» باعدارلاماسىندا وسىعان بايلانىستى سۇراققا جاۋاپ بەردى، دەپ حابارلايدى قازاقپارات ءتىلشىسى.

«وتكەن اپتانىڭ سوڭىندا وتكەن ۇكىمەتتىڭ كەڭەيتىلگەن وتىرىسىنا قاتىستى كوپشىلىك بولجام جاسادى. ءسىز بۇعان قاتىستى قانداي پىكىر بىلدىرەسىز؟» دەگەن سۇراققا مينيستر جاۋاپ بەردى.

«ادەتتە مۇنداي اڭگىمەلەر كەيىن جەكە ساراپشىلاردىڭ پايداسىنا شەشىلىپ، جازىلۋشىلار قاتارى كوبەيەدى. ادامدارعا بولجامنىڭ ورىندالعان-ورىندالماعانى ەمەس، وسى پروتسەستىڭ ءوزى ۇنايتىن سياقتى. ءبىز بۇدان دا ماڭىزدى نارسەنى ۇمىتپاۋىمىز كەرەك: ەشكىم شوۋ جاساماق بولعان جوق. كۇن تارتىبىندە وتە ماڭىزدى سۇراقتار بولدى»، - دەدى داۋرەن ابايەۆ.

ول پرەزيدەنت ەكونوميكا، قارجى جانە حالىقتىڭ ءال-ءاۋقاتى تۋرالى بايانداما وقىعانىن ايتتى.

«پرەزيدەنت ايتقان كىلت ءسوز - ۇكىمەتتى قايتا فورماتتاۋ. ول سىلكىنىس كەرەك ەكەنى، باتىل قادامدار جاساۋ كەرەكتىگى تۋرالى ايتتى. قاسىم-جومارت كەمەل ۇلى بىزگە جايلىلىق اۋماعىنان شىعۋ كەرەك ەكەنىن اشىق ايتتى. ول ۇكىمەت جۇمىسىنا قاتىستى قىسقا جانە ىڭعايلى جوسپار قۇرۋ تۋرالى تاپسىرما بەردى. بۇل جوسپارلانعان جانە ناتيجەلى رەفورمالاردى جۇزەگە اسىرۋداعى ماڭىزدى قادام بولادى دەپ ويلايمىن»، - دەدى ول.