بەردىبەك ساپاربايەۆ: قوبىز بەن دومبىرانى فونوگراممامەن تارتاتىن كۇنگە جەتتىك
«رەسپۋبليكالىق شىعارماشىلىق ۇجىمداردىڭ وڭىرلەرمەن بايلانىسىنىڭ ماڭىزى زور. باياعىدا اۋىلدا جۇرگەندە «بيبىگۇل تولەگەنوۆا نەمەسە روزا اپامىز كەلدى» دەگەن كەزدە بۇكىل اۋىل بولىپ جينالىپ، كونسەرتىن كورىپ، ءانىن تىڭدايتىن ەدىك. سوندىقتان، مادەنيەت جانە سپورت مينيسترلىگى جەرگىلىكتى اتقارۋشى ورگاندارمەن بىرىگىپ، بايلانىس، تاجىريبە الماسۋ، وقىتۋ- ۇيرەتۋ شارۋالارىمەن اينالىسۋى كەرەك» ، - دەدى بەردىبەك ساپاربايەۆ ەلوردادا وتكەن مادەنيەت جانە سپورت مينيسترلىگىنىڭ كەڭەيتىلگەن القا ماجىلىسىندە.
ۆيتسە- پرەمەردىڭ ايتۋىنشا، ءاربىر ءاننىڭ، ولەڭنىڭ ماعىناسى بولۋى ءتيىس.
«ءاربىر ءاننىڭ تاربيەلىك ءمانى بولۋى ءتيىس. شىعارما وتانىڭدى، ۇلتىڭدى سۇيۋگە باۋلۋى كەرەك. ءشامشى قالداياقوۆتىڭ اندەرى نەلىكتەن وسى ۋاقىتقا دەيىن ولمەيدى. ويتكەنى ءار ءانىنىڭ ۇلكەن ماعىناسى بار. قازىرگى ءبىزدىڭ اندەردى تىڭداپ كورىڭىزشى، قالاي ەكەندىگىن.. . فونوگرامما تۋرالى دا تالاي ايتتىق. كەيىنگى كەزدە قوبىز بەن دومبىرانى فونوگرامماعا قويىپ تۇرىپ تارتامىز. بۇل - مۋزىكا اسپاپتارىن ناعىز قورلاۋ. قوبىزدىڭ دا، دومبىرانىڭ دا ءوز ءۇنى بار عوي. سوندىقتان، ونەردىڭ وسى جاعىنا كوڭىل بولمەسەك، تاربيە بەرۋ ءىسىنىڭ ماڭىزى ارتقان زاماندا مۇنىڭ ارتى جاقسى بولمايدى» ، - دەدى بەردىبەك ساپاربايەۆ.
ايتا كەتسەك، مادەنيەت جانە سپورت مينيسترلىگىنىڭ كەڭەيتىلگەن القا ماجىلىسىندە مينيستر اقتوتى رايىمقۇلوۆا 2020 -جىلى مادەنيەت سالاسىندا قولعا الىناتىن نەگىزگى شارالاردى اتاعان بولاتىن.
