كوروناۆيرۋستان كەلگەن شىعىن ا ق ش پەن قىتاي اراسىنداعى ساۋدا سوعىسىنىڭ سالدارىنداي بولۋى مۇمكىن
كورناۆيرۋستىڭ جاڭا ءتۇرىنىنىڭ ەپيدەمياسىنان كەلتىرىلگەن ماتەريالدىق شىعىن ا ق ش پەن قىتاي اراسىنداعى ساۋدا سوعىسىنىڭ شىعىنىمەن پارا- پار بولۋى مۇمكىن. ساراپشىلار وسىنداي بولجام جاساپ وتىر. ولار ەڭ الدىمەن ويىن- ساۋىق، تۋريزم جانە قوعامدىق تاماقتانۋ سالالارى زارداپ شەگىپ وتىرعانىن ايتادى.
بەينەجازبالار سونى ايعاقتايدى. كوروناۆيرۋس العاش تىركەلگەن ۋحان قالاسىنىڭ كوشەسىندە بىرەن- ساران ادام. بەيجىڭدە دە ساۋدا ورتالىقتارىنداعى دۇكەندەردىڭ كەيبىرى جابىق تۇر. اشىقتارىنىڭ وزىندە كىسى قاراسى قالىڭ ەمەس. تاماق تانۋ ورىندارىندا دا ۇقساس جاعداي.
اماندا لي، برازيليادان كەلگەن ساياحاتشى:
- مەنىڭ كوڭىلىم بولماي تۇر. ويتكەنى بۇل ساپاردى باياعىدا جوسپارلاپ قويعان ەدىم. ازياعا العاش كەلۋىم. ۇلى قىتاي قابىرعاسىن جانە باسقا دا قىزىقتى ورىنداردى كورەمىن دەپ ويلاپ ەدىم. الايدا جوسپارلارىم جۇزەگە اسپادى ەندى ەرتەرەك ۇيىمە قايتامىن. جولىم بولمادى. وتە وكىنىشتى.
شىعىنعا باتقان شەتەلدىك تۋريستەر عانا ەمەس. بيلىك اۋرۋ وشاعى ۋحان قالاسىنا جاقىن زاۋىتتاردى ۋاقىتشا جابۋ شەشىمىن قابىلداعان. سولاردىڭ قاتارىندا «سامسۋنگ» جانە «ەپلمەن» تىكەلەي بايلانىستى « فوكسكون» بار. اتالعان كومپانيالاردىڭ فابريكالارى قازىر ۋاقىتشا جابىق تۇر.
«ستارباكس» تا ساقتىق قامىنا كىرىسكەن. كومپانيانىڭ قىتايدا 4 مىڭنان اسا كوفەحاناسى بار ەكەن. سولاردىڭ جارتىسى ۋاقىتشا جابىلدى. شىعىنعا باتقانداردار قاتارىندا اۆياكومپانيالار دا بار. الەم بويىنشا اۋە تاسىمالداۋشىلار قىتاي ەلىنە ساپارلارىن توقتاتىپ جاتىر. ال ءتۇرلى مەملەكەتتەر ەۆاكۋاتسيا جۇمىستارىن جۇرگىزۋدە. وسى رەتتە بورتىندا 200-دەن اسا ا ق ش ازاماتى بار چارتەرلىك رەيس ۋحاننان الياسكاعا قوندى. جانارماي قۇيىپ العاننان كەيىن ۇشاق كاليفورنيا شتاتىنا اتتانادى. وندا قونعاننان سوڭ جولاۋشىلار كارانتيندە بولادى.
جاپونيا بيلىگى دا ۋحانداعى ازاماتتارىن ەۆاكاۋتسيالادى.
تاكەو اوياما، جولاۋشى:
- ۋحانداعى جاعداي كۇن سايىن وزگەرىپ جاتىر. جاپون بيلىگىنىڭ ءبىزدى ۇشاقپەن الىپ كەتكەنىنە كوپ العىس ايتامىن. جولاۋشىلار ۇشاققا وتىرا سالىسىمەن، بىردەن ۇيىقتاپ قالدى. شارشاعان بولار. ۋحاندا ۆيرۋستى جۇقتىرعاندار سانى كۇن ساناپ ارتۋدا. سوندىقتان ءبارى بەتپەردە تاعۋعا ءماجبۇر.
www.24.kz
