الماتىدا ءال- فارابي مۇرالارىن زەرتتەۋگە بايقاۋ جاريالاندى
«عۇلاما بابامىز ءال- فارابيدىڭ ادامدى ينتەللەكتۋالدىق قالىپتاسۋى تۋرالى ەڭبەكتەرىن زەرتتەۋ قوعامدى ادامگەرشىلىككە باۋلۋعا سەپتىگىن تيگىزەدى. وسىعان وراي ستۋدەنتتەر اراسىندا ءال- فارابي ەڭبەكتەرىن زەرتتەۋگە اكىم اتىنداعى شاكىرتاقى تاعايىندالادى. بۇل شاكىرتاقىعا اشىق بايقاۋ جاريالاندى» ، - دەدى اكىم باقىتجان ساعىنتايەۆ.
ونىڭ ايتۋىنشا، قالا جاستارىن قولداۋ - قالانى دامىتۋدىڭ باسىم باعىتتارىنىڭ ءبىرى.
«كەزىندە عۇلامانىڭ ءوزى ايتقان، قاي ەلدىڭ بولماسىن بولاشاعىنا باعا بەرۋ ءۇشىن الدىمەن جاستارىن كورسەت دەگەن ەكەن» ، - دەدى اكىم.
ودان بولەك حالىقارالىق دەڭگەيدەگى ءال- فارابي وليمپياداسىن وتكىزۋ جوسپارلاندى.
سونىمەن قاتار عالىمنىڭ «باقىتقا اپارار جول» ەڭبەگى بويىنشا كاسىپكەرلەر اراسىندا ترەنينگ وتكىزۋ، ينتەراكتيۆتى كارتا اشۋ جوسپاردا بار.
ايتا كەتۋ كەرەك، كەشە قازاقستان ءال- فارابيدىڭ 1150 جىلدىعىن مەرەكەلەۋدى رەسمي تۇردە باستاعان بولاتىن.
