پرەزيدەنتتىڭ قىزى لاۋازىمدى قىزمەتىنەن كەتتى
ول مەملەكەتتىك ەمەس سەكتوردا جۇمىس ىستەگىسى كەلەتىنى تۋرالى ويىن جەتكىزگەن دەپ حابارلايدى Sputnik وزبەكستانعا سىلتەمە جاساپ.
سايدا ميرزيەيەۆا ءوزىنىڭ بۇل شەشىمى تۋرالى پرەزيدەنت اكىمشىلىگى باسشىسىنىڭ ءتوراعالىق ەتۋىمەن وتكەن كەڭەيتىلگەن جيىندا ايتقان.
ول ءوزىنىڭ اگەنتتىكتە اتقارعان جۇمىستارى جونىندە ەسەپ بەرىپ، الداعى جوسپارىمەن دە ءبولىسىپتى.
جيىندا ميرزيەيەۆانىڭ بۇقارالىق اقپارات قۇرالدارى سالاسىنداعى دەموكراتيالىق رەفورمالارى، جۋرناليستەر مەن بلوگەرلەردى قورعاۋ، مەملەكەتتىك ورگانداردىڭ ب ا ق- پەن بايلانىسىن نىعايتۋ سالاسىنداعى ەڭبەگى اتالىپ وتكەن.
ايتا كەتەرلىگى، شاۆكات ميرزيەيەۆتىڭ قىزى بۇل قىزمەتتى 2019-جىلدىڭ ءساۋىر ايىنان باستاپ اتقارعان بولاتىن.
ەستەرىڭىزگە سالا كەتسەك، بۇعان دەيىن وزبەكستان پرەزيدەنتى ەۋرازيالىق ەكونوميكالىق وداققا كىرۋ ماسەلەسىنە قاتىستى پىكىر ءبىلدىردى. شاۆكات ميرزيەيەۆ ءوز ەلىنىڭ اتالمىش ۇيىمعا مۇلدەم مۇشە بولمايتىنىن كەسىپ ايتتى.
سونداي-اق، وزبەكستان پارلامەنتى ەلدىڭ جاڭا پرەمەر-ءمينيسترىن بەكىتتى.
بۇل لاۋازىمعا ەلدىڭ بۇعان دەيىن ۇكىمەت باسشىسى بولعان ابدوللا اريپوۆ لايىق دەپ تانىلعان.
