باتىس ەلدەرى رەسەيگە جاڭا سانكتسيا سالدى
ا ق ش- تىڭ قارجى مينيسترلىگىنىڭ 29- قاڭتار كۇنگى حابارلاماسىندا «ۋكرايناعا اگرەسسيالىق ساياساتىن جالعاستىرىپ، قىرىمدى جاۋلاۋعا تىرىسقانى ءۇشىن» رەسەيگە سانكتسيا سالىناتىنى ايتىلعان.
قارجى مينيسترلىگىنىڭ شەتەل اكتيۆتەرىن باقىلاۋ باسقارماسىنىڭ شەشىمىنە سايكەس، سەگىز ادام مەن ا ق ش- تاعى جەكە تەمىر جول كومپانياسىنىڭ اكتيۆتەرى بۇعاتتالادى. ا ق ش- تىڭ قارجى مينيسترلىگى «رەسەي قولدايتىن قىرىمنىڭ زاڭسىز رەسمي تۇلعالارى» دەپ اتاعان جەتى ادامدى 28- قاڭتاردا ەۋرووداق سانكتسيا سالىنعان ادامداردىڭ تىزىمىنە قوسقان. كانادا «قارا تىزىمگە» التى ادامدى كىرگىزدى.
قازىرگى كەزدە ا ق ش ۇكىمەتىنىڭ «قارا تىزىمىندە» 692 جەكە تۇلعا جانە زاڭدى تۇلعا، ەنشىلەس كومپانيالار بار.
«قىرىممەن ەكونوميكالىق بايلانىستى تەرەڭدەتۋگە كۇش سالعان رەسەيدى قولداعانى ءۇشىن» Grand Service Express كومپانياسى مەن ونىڭ باس ديرەكتورى الەكساندر گانوۆ تا سانكتسياعا ۇشىراعان. بۇل كومپانيا رەسەي جاۋلاپ العان قىرىم تۇبەگى مەن قۇرلىق اراسىندا جولاۋشىلار تاسىمالدايدى. كولىك كومپانياسىنىڭ باسپا ءسوز قىزمەتى «ينتەرفاكس» اگەنتتىگىنە Grand Service Express رەسەيدە جۇمىس ىستەيدى، سوندىقتان سانكتسيا اسەر ەتپەيدى دەپ ايتقان.
«ازاتتىق»
